കൊച്ചി: സ്മാര്ട്ട് ഫോണുകളും ടിവിയും മാത്രമല്ല ഗ്രോസറി ഉത്പന്നങ്ങളും ഓൺലൈനിലൂടെ ധാരാളം വിറ്റഴിയുന്നുണ്ട്. ഇന്ത്യയിലെ തന്നെ ഏറ്റവും വലിയ ഗ്രോസറി വിൽപ്പനക്കാരായ ബിഗ്ബാസ്ക്കറ്റാണ് ഈ രംഗത്ത് ശക്തമായ വിപണി വിഹിതവുമായി മുന്നിൽ ഉള്ളത്.
2011 മുതലാണ് രാജ്യത്ത് ഓൺലൈൻ ഗ്രോസറി വിൽപ്പന തുടങ്ങുന്നത് എന്നു പറയാം. സോപ്പ് നൗ, ബിഗ് ബാസ്ക്കറ്റ് തുടങ്ങിയവയായിരുന്നു ഈ രംഗത്തെ തുടക്കക്കാർ.
എന്നാൽ 2019 മാര്ച്ചിൽ ഓൺലൈൻ ഗ്രോസറി വിൽപ്പനയുടെ 60 ശതമാനവും ബിഗ്ബാസ്ക്കറ്റിലൂടെ ആണെന്നാണ് സൂചന.പെപ്പര്ടാപ്പ്,ലോക്കൽബനിയ തുടങ്ങി നിരവധി സ്റ്റാര്ട്ടപ്പുകളും ഈ രംഗത്ത് പ്രവര്ത്തിക്കുന്നുണ്ട്. 2019 മാർച്ചിൽ അവസാനിച്ച സാമ്പത്തിക വർഷത്തിൽ 60 ശതമാനം വളർച്ചയോടെ 32,00 കോടി രൂപയോളമായിരുന്നു ബിഗ്ബാസ്ക്കറ്റിൻറെ വിൽപ്പന.നടപ്പു സാമ്പത്തിക വര്ഷം മാത്രം 5,300 കോടി രൂപയുടെ വിൽപ്പനയാണ് ബിഗ്ബാസ്ക്കറ്റ് ലക്ഷ്യമിടുന്നത്. ബിഗ്ബാസ്ക്കറ്റ് സ്ഥാപകനും മലയാളിയുമായ ഹരി മേനോനാണ് ഇത് വ്യക്തമാക്കിയത്.
Also Read: രാജ്യത്തെ ഇ- കൊമേഴ്സ് വിൽപ്പനയിൽ സ്മാര്ട്ട് ഫോൺ മുന്നേറ്റം
ഡെലിവറി, ലോജിസ്റ്റിക്സ് സേവനങ്ങൾ മെച്ചപ്പെടുത്തുന്നതിനായി ചൈനീസ് ഇ- കൊമേഴ്സ് കമ്പനിയായ ആലിബാബയുടെ സേവനങ്ങൾ ബിഗ് ബാസ്ക്കറ്റ് ഇപ്പോൾ പ്രയോജനപ്പെടുത്തുന്നുണ്ട് . ആലിബാബയുമായുള്ള കൂട്ടുകെട്ട് ബിഗ്ബാസ്ക്കറ്റ് കൂടുതൽ ശക്തമാക്കിയേക്കും.
ആലിബാബയെ മാതൃകയാക്കി കമ്പനി വിതരണ ശൃംഖല ഇതോടകം ശക്തിപ്പെടുത്തിയിട്ടുണ്ട്. ഇരുണ്ട സ്റ്റോറുകളിൽ പല വ്യഞ്ജനങ്ങൾ സൂക്ഷിക്കുന്നതിന് പകരം വലിയ വെയര്ഹൗസുകളാണ് ഇപ്പോൾ കമ്പനി ഉപയോഗിക്കുന്നത്. ലോജിസ്റ്റിക്സ് സേവനങ്ങൾക്കായി സ്വന്തം സാങ്കേതിക വിദ്യയും കമ്പനി വികസിപ്പിച്ചിട്ടുണ്ട്.
Also Read: ഓണ്ലൈന് ഉത്സവകാല വില്പ്പന ഇ- കൊമേഴ്സ് സൈറ്റുകള് തൂത്തു വാരിയപ്പോള് ഓഫ്ലൈന് സ്റ്റോറുകള് തളര്ന്നു