നെഫ്റ്റ് സംവിധാനത്തിലൂടെ ഇനി എപ്പോള്‍ വേണമെങ്കിലും പണം ട്രാന്‍സ്ഫര്‍ ചെയ്യാം

ന്യൂഡല്‍ഹി: നാഷണല്‍ ഇലക്ട്രോണിക് ഫണ്ട് സംവിധാനം ഉപയോഗിച്ച് ഇനി 24 മണിക്കൂറും പണം ട്രാന്‍സ്ഫര്‍ ചെയ്യാന്‍ അനുവദിച്ച് ആര്‍.ബി.ഐ. ബാങ്കുകളുടെ ഫണ്ട് മാനേജ്മെന്‍റ് സംവിധാനത്തെ ശക്തീകരിക്കുന്നതാണ് നടപടി. ഇപ്പോള്‍ ബാങ്ക് പ്രവര്‍ത്തന ദിവസങ്ങളില്‍ വൈകിട്ട് 7.45 വരെ മാത്രമാണ് പണം ഇടപാടുകള്‍ നടത്താനാകുന്നത്. ഇനി മുതല്‍ എപ്പോള്‍ വേണമെങ്കിലും ഇടപാടുകാര്‍ക്ക് പണം ട്രാന്‍സ്ഫര്‍ ചെയ്യാം.

രാജ്യത്തെ റീട്ടെയ്‍ല്‍ പെയ്മെന്‍റ് സംവിധാനത്തിനും നീക്കം കരുത്ത് പകരും.ആര്‍.ബി.ഐയുടെ ആറംഗം പണനയ അവലോകന കമ്മിറ്റി അംഗങ്ങളാണ് ഇപ്പോള്‍ മുതല്‍ നെഫ്റ്റ് സംവിധാനം 24 മണിക്കൂറും ലഭ്യമാകുമെന്ന് അറിയിച്ചത്. ആര്‍.ബി.ഐയുടെ കീഴിലുള്ള ബാങ്കുകളിലെ ഇടപാടുകാര്‍ക്ക് ഗുണകരമാണ് നീക്കം.