വ്യത്യസ്ത രുചികൾ
വാനില, ചോക്ലേറ്റ്, സ്ട്രോബെറി എന്നിവ ഉൾപ്പടെയുള്ള വ്യത്യസ്ത രുചിയിലും സുഗന്ധത്തിലുമുള്ള ഐസ്ക്രീമുകളാണ് കമ്പനി ഒരുക്കിയത്. കറുവപ്പട്ട, യൂണികോൺ ഫ്രൂട്ട് ലൂപ്പ് & ആപ്പിൾ, പ്രിറ്റ്സൽ & തേൻ, മാച്ച & തേങ്ങ, ഗ്രാനോള & ചെറി എന്നീ കോമ്പിനേഷനുകളിലുള്ള ഐസ്ക്രീമുകളും ഇവിടെ ലഭ്യമാണ്. യുഎഇ കമ്പനിയായ ദി ഹണ്ടറുമായി ചേർന്നാണ് വ്യത്യസ്ത രുചിയിലും നിറത്തിലും സുഗന്ധത്തിലുമുള്ള വിവിധങ്ങളായ ഐസ്ക്രീം എന്ന റെക്കോർഡ് പാൻ-എൻ-ഐസ് സ്വന്തമാക്കിയത്.
അബുദാബി ഷോപ്പിങ് ആൻഡ് ഡൈനിങ് സീസൺ
ഓഗസ്റ്റ് 31 വരെയാണ് അബുദാബി ഷോപ്പിങ് ആൻഡ് ഡൈനിങ് സീസൺ നടക്കുന്നത്. ആഘോഷത്തിറെ ഭാഗമായി അബുദാബിയിലുടനീളമുള്ള മാളുകളിലെ വിവിധ സ്റ്റാറ്റുകളിൽ വിവിധ കമ്പനികൾ ഇത്തരത്തിലുള്ള വിവിധങ്ങളായ കാഴ്ച്ചകളും രുചികളും ഒരുക്കിയിട്ടുണ്ടാകും. ഷോപ്പ് & വിൻ പ്രമോഷനിലൂടെ മികച്ച ഷോപ്പിങ് ഓഫറുകളും സീസണിൽ ലഭിക്കും. അബുദാബി സർക്കാരാണ് ഷോപ്പിങ് ആൻഡ് ഡൈനിങ് സീസൺ നടത്തുന്നത്.
ലോക റെക്കോർഡ് ഭേദിച്ച ചില ഐസ്ക്രീം രുചികൾ
ലോകത്തിലെ ഏറ്റവും വലിയ ഐസ്ക്രീം കേക്ക്, ഏറ്റവും വലിയ ഐസ്ക്രീം സ്കൂപ്പ്, ഏറ്റവും ഉയരമുള്ള ഐസ്ക്രീം കോൺ എന്നിങ്ങനെ വിവിധ നിലയിൽ ഐസ്ക്രീമുകൾ ലോക ഗിന്നസ് റെക്കോർഡിൽ ഇടം പിടിച്ചിട്ടുണ്ട്. ലോകത്തിലെ ഏറ്റവും വലിയ ഐസ്ക്രീം കേക്കിന് 10.13 ടൺ തുക്കമുണ്ട്. 4.45 മീറ്റർ (14 അടി 7 ഇഞ്ച്) നീളവും 4.06 മീറ്റർ (13 അടി 3 ഇഞ്ച്) വീതിയും 1 മീറ്റർ (3 അടി 3 ഇഞ്ച്) ഉയരവുമുള്ള ഈ ഭീമൻ കേക്ക് കാനഡയിലെ ഡയറി ക്വീൻ കാനഡയാണ് തയ്യാറാക്കിയത്. 2011 മെയിലാണ് കേക്ക് തയ്യാറാക്കിയത്.
ഏറ്റവും ഉയരമുള്ള ഐസ്ക്രീം കോൺ
അതുപോലെ ലോകത്തെ ഏറ്റവും ഉയരമുള്ള ഐസ്ക്രീം കോണിന് 3.08 മീറ്റർ (10 അടി 1.26 ഇഞ്ച്) ഉയരമുണ്ട്. നോർവേക്കാരായ ഹെന്നിഗ്-ഓൾസൻ ഈസ് എഎസും ട്രോണ്ട് എൽ വിയനുമാണ് ഇത് നിർമ്മിച്ചത്. യുഎസിലെ കെംപ്സ് എൽ‌എൽ‌സി തയ്യാറാക്കിയ സ്കൂപ്പ് ആണ് ലോകത്തിലെ ഏറ്റവും വലിയ സ്കൂപ്പ്. 1365 കിലോഗ്രാം ആണ് ഇതിന്റെ തൂക്കം.