ആധാറുമായി ബന്ധിപ്പിച്ചില്ലെങ്കിൽ പാൻ കാർഡ് അസാധുവാകില്ല

അഹമ്മദാബാദ്: ആധാറുമായി പാൻകാർഡ് ബന്ധിപ്പിക്കാത്തവർക്ക് ആശ്വാസം നൽകി ഗുജറാത്ത് ഹൈക്കോടതി വിധി. വിഷയത്തിൽ സുപ്രീം കോടതിയുടെ അന്തിമ തീരുമാനം വരുന്നത് വരെ പാൻ ആധാർ ബന്ധിപ്പിക്കലിന് നിർബന്ധിക്കാനാവില്ലെന്നാണ് കോടതിയുടെ നിരീക്ഷണം. ഇതോടെ ആധാറുമായി ബന്ധിപ്പിച്ചില്ലെങ്കിൽ പാൻ കാ‍ര്‍ഡ് തൽക്കാലത്തേക്ക് അസാധുവാകില്ല എന്നാണ് സൂചന.

Also Read: പാൻ നമ്പർ ആധാറുമായി ഇനിയും ബന്ധിപ്പിച്ചിട്ടില്ലേ? പാൻ കാ‍ര്‍ഡ് അസാധുവായേക്കും

ആധാ‍ര്‍ വിഷയത്തിൽ സുപ്രീം കോടതിയുടെ അന്തിമ വിധി വരുന്നതു വരെ വിഷയത്തിൽ നി‍ര്‍ബന്ധം പിടിയ്ക്കാനാവില്ലെന്ന നിരീക്ഷണത്തെ തുടർന്നാണിത്. പാൻകാ‍ർഡുമായി ആധാ‍ര്‍ ബന്ധിപ്പിക്കേണ്ട അവസാന തിയതി മാ‍ര്‍ച്ച് 31 ആണ്. എന്നാൽ കാലാവധി കഴിഞ്ഞാലും പാൻകാർഡ് അസാധുവായേക്കില്ല. പാൻ കാ‍ര്‍ഡ്- ആധാ‍ര്‍ കാര്‍ഡുമായി ബന്ധിപ്പിക്കുന്നതിനുള്ള സമയ പരിധി നിരവധി തവണ സ‍ര്‍ക്കാര്‍ നീട്ടി നൽകിയിരുന്നു.