പേ.ടി.എം ട്രാവല്‍ ബിസിനസില്‍ 250 കോടി രൂപ നിക്ഷേപിക്കും

രാജ്യത്തെ ഏറ്റവും വലിയ പേയ്മെന്‍റ് കമ്പനിയായ പേടിഎം ട്രാവല്‍ ബിസിനസില്‍ 250 കോടി രൂപ നിക്ഷേപിക്കുന്നു. അടുത്ത ആറ് മാസങ്ങള്‍ക്കുള്ളില്‍ ആവും കമ്പനി നിക്ഷേപം നടത്തുക. സേവനങ്ങള്‍, സാങ്കേതിക വിദ്യ തുടങ്ങിയവയുടെ നവീകരണത്തിനായി ആകു തുക വിനിയോഗിക്കുക. ട്രാവല്‍ ബിസിനസില്‍ നിന്നുള്ള വരുമാനം ഉയര്‍ത്തുകയാണ് പ്രധാന ലക്ഷ്യം.

ട്രാവല്‍ ബിസിനസില്‍ പ്രധാന നഗരങ്ങളില്‍ കമ്പനിക്ക് ശക്തമായ വളര്‍ച്ചയുണ്ടെന്നും പുതിയ ഉപഭോക്താക്കള്‍ എത്തുന്നുണ്ടെന്നും കമ്പനി അധികൃതര്‍ വ്യക്തമാക്കി. ട്രാവല്‍ ബുക്കിങ് രംഗത്ത് 1.5 കോടി ഉപഭോക്താക്കളെയാണ് കമ്പനി ലക്ഷ്യമിടുന്നത്. ഓണ്‍ലൈന്‍ പേയ്മെന്‍റ് വിപണിയില്‍ മത്സരം മുറുകിയത് പേടിഎമ്മിന്‍റെ ബിസിനസിനെ കാര്യമായി ബാധിച്ചിരുന്നു. തുടര്‍ന്ന് ബിസിനസ് വൈവിധ്യവത്ക്കരണ പ്രവര്‍ത്തനങ്ങള്‍ വിപുലീകരിക്കുമെന്ന് പേടിഎം സ്ഥാപകന്‍ വിജയ് ശേഖര്‍ ശര്‍മ വ്യക്തമാക്കിയിരുന്നു.