സംസ്ഥാനത്ത് പെട്രോള്‍-ഡീസല്‍ വില കുറഞ്ഞു

തിരുവനന്തപുരം: സംസ്ഥാനത്ത് ഇന്ധനവിലയിൽ ഇടിവുണ്ടായി. തലസ്ഥാനത്ത് പെട്രോളിന് 1 രൂപ 14 പൈസയും ഡീസലിന് 1 രൂപ 12 പൈസയുമാണ് കുറഞ്ഞത്. പെട്രോളിന് 81 രൂപ 44 പൈസയും ഡീസലിന് 74 രൂപ 5 പൈസയുമാണ് തിരുവനന്തപുരത്തെ ഇന്നത്തെ വില. പെട്രോളിനും ഡീസലിനും ഒരു രൂപ കുറക്കാൻ കഴിഞ്ഞ ദിവസം ചേർന്ന മന്ത്രിസഭായോഗത്തിൽ തീരുമാനമായിരുന്നു.

മെട്രോ നഗരമായ കൊച്ചിയിൽ പെട്രോൾ ലിറ്ററിന് 80 രൂപ 02 പൈസയും ഡീസൽ ലിറ്ററിന് 72 രൂപ 65 പൈസയിലും ആണ് ഇന്ന് വ്യാപാരം പുരോഗമിക്കുന്നത്. അതേസമയം കോഴിക്കോട് പെട്രോൾ ലിറ്ററിന് 80 രൂപ 37 പൈസയും ഡീസൽ ലിറ്ററിന് 72 രൂപ 99 പൈസയിലുമാണ് ഇന്ന് വ്യാപാരം പുരോഗമിക്കുന്നത്.