Petrol Price: സംസ്ഥാനത്തെ ഇന്ധനവിലയിൽ നേരിയ വര്‍ധനവ്

തിരുവനന്തപുരം: സംസ്ഥാനത്ത് പെട്രോൾ-ഡീസൽ വിലയിൽ നേരിയ വിലവര്‍ധനവ് രേഖപ്പെടുത്തി. തിരുവനന്തപുരത്ത് പെട്രോൾ ലിറ്ററിന് 22 പൈസ വര്‍ധിച്ച് 79.47 രൂപയിലും ഡീസൽ ലിറ്ററിന് 21 പൈസ വര്‍ധിച്ച് 72.86 രൂപയിലുമാണ് വ്യാപാരം പുരോഗമിക്കുന്നത്. അതേസമയം കൊച്ചിയിൽ പെട്രോളിന് ലിറ്റര്‍ 22 പൈസ വര്‍ധിച്ച് 78.08 രൂപയിലും ഡീസൽ ലിറ്ററിന് 21 പൈസ വര്‍ധിച്ച് 71.48 രൂപയിലുമെത്തി.

കോഴിക്കോടും ഇതേ വിലവര്‍ധനവാണ് ഇന്ധനവിലയിൽ ഉണ്ടായിരിക്കുന്നത്. നഗരത്തിൽ പെട്രോൾ വില 78.42 രൂപയിലും ഡീസൽ വില 71.81 രൂപയിലുമാണ് വ്യാപാരം പുരോഗമിക്കുന്നത്. കഴിഞ്ഞ കുറച്ച് ദിവസങ്ങളായി നിരന്തരം ഇന്ധന വില വര്‍ധിക്കുകയാണ്.

രാജ്യാന്തര വിപണിയിൽ എണ്ണവില വ്യതിയാനമുണ്ടാകുന്നതിന്‍റെ പ്രതിഫലനമായാണ് ഇന്ത്യയിലും പെട്രോൾ-ഡീസൽ വിലയിൽ മാറ്റമുണ്ടാകുന്നത്.