സംസ്ഥാനത്ത് ഇന്ധന വില റെക്കോര്‍ഡ് വേഗത്തിൽ കുതിക്കുന്നു

കൊച്ചി: സംസ്ഥാനത്ത് ഇന്ധന വില റെക്കോര്‍ഡ് വേഗത്തിൽ കുതിക്കുന്നു. തലസ്ഥാന നഗരിയിൽ ഡീസല്‍ വില 70.35 രൂപയിലെത്തിയാണ് നഗരത്തിൽ ഇന്ന് ഡീസല്‍ വ്യാപാരം പുരോഗമിക്കുന്നത്. മെട്രോ നഗരമായ കൊച്ചിയില്‍ ലിറ്ററിന് 69.01 രൂപയിലാണ് ഇന്നത്തെ ഡീസല്‍ വ്യാപാരം പുരോഗമിക്കുന്നത്.

തലസ്ഥാനത്ത് പെട്രോളിന് ഇന്ന് 77.91 ആയപ്പോൾ കോഴിക്കോട് 24 പൈസ കൂടി 76.33ലെത്തി. കൊച്ചിയില്‍ 76.55 രൂപയിലാണ് പെട്രോൾ വ്യാപാരം പുരോഗമിക്കുന്നത്.

കോഴിക്കോട് ഡീസല്‍ വില 69.34 ആയി. ഡീസല്‍ വില ക്രമാതീതമായി വര്‍ധിച്ചതോടെ പെട്രോള്‍ വിലയും ഡീസല്‍ വിലയിയും തമ്മിൽ വലിയ വില വ്യത്യാസമില്ല എന്നതാണ് വസ്തുത. മാര്‍ച്ച് മാസം മുഴുവൻ ദിവസേന 20-25 പൈസകൾ വീതമാണ് ഇന്ധനവില വര്‍ധിച്ചത്.