ഇനി വാഹനം നിരത്തിലറക്കുന്നതിന് മാത്രമല്ല പുതിയ വാഹനങ്ങൾ വാങ്ങാനും ചെലവേറും. ഏപ്രിൽ ഒന്ന് മുതൽ സംസ്ഥാനത്ത് പെട്രോൾ, ഡീസൽ വില വർധന പ്രാബല്യത്തിൽ വരും. കൂടാതെ അടുത്ത മാസം മുതൽ രാജ്യത്ത് വാഹന മേഖലയിൽ പുതിയ റിയൽ ഡ്രൈവിംഗ് എമിഷൻ (ആർഡിഇ) മാനദണ്ഡങ്ങൾ നടപ്പിലാക്കുന്നതോടെ ഇരുചക്ര വാഹനങ്ങൾക്കും കാറുകൾക്കും ഉൾപ്പെടെ വില ഉയരും. രാജ്യത്തെ ഏറ്റവും വലിയ വാണിജ്യ വാഹന നിർമ്മാതാക്കളായ ടാറ്റ മോട്ടോഴ്സ് ഏപ്രിൽ ഒന്ന് മുതൽ വാണിജ്യ വാഹനങ്ങൾക്ക് അഞ്ച് ശതമാനം വരെ വില വർദ്ധന പ്രഖ്യാപിച്ചിരുന്നു.
Also Read: ഹിൻഡൻബർഗ് ആരോപണങ്ങൾ തെളിയിക്കാനാകാത്തത് എന്തുകൊണ്ട്?
മലിനീകരണം നിയന്ത്രിക്കുന്നതിൻെറ ഭാഗമായാണ് നടപടി. വാഹനങ്ങളിൽ ഇതിനായി പ്രത്യേക ഡയഗ്നോസ്റ്റിക് കിറ്റ് സ്ഥാപിക്കും. ഇത് കാറിൻെറ എഞ്ചിനിൽ ഉൾപ്പെടെ മാറ്റങ്ങൾ വരുത്തും. ഏപ്രിൽ ഒന്നിന് ശേഷം ഫാക്ടറികളിൽ നിന്ന് പുറത്തിറങ്ങുന്ന കാറുകളിൽ ഓട്ടോമൊബൈൽ നിർമ്മാണ കമ്പനികൾ ഈ കിറ്റുകൾ ഘടിപ്പിക്കും.പെട്രോൾ വാഹനങ്ങളെ അപേക്ഷിച്ച് ഡീസൽ കാറുകളിൽ പുതിയ ഇൻസ്റ്റലേഷൻ കൂടുതൽ സ്വാധീനം ചെലുത്തുമെന്ന് ഈ രംഗത്തുള്ളവർ അഭിപ്രായപ്പെടുന്നു.
ഡീസൽ കാറുകൾക്ക് 65,000 മുതൽ 70,000 രൂപ വരെ വില വർധിക്കുമെന്നും പെട്രോൾ കാറുകൾക്ക് 15,000 മുതൽ 20,000 രൂപ വരെ വർധനയുണ്ടാകുമെന്നും ആണ് സൂചന. വാണിജ്യ, പാസഞ്ചർ വാഹനങ്ങൾക്ക് 2-5 ശതമാനം വരെ വർദ്ധനവ് ഉണ്ടാകും.ഇരുചക്ര വാഹന വിഭാഗത്തിൽ അടുത്ത കുറച്ച് മാസങ്ങളിൽ ഒന്ന് മുതൽ മൂന്ന് ശതമാനം വില വർധന പ്രതീക്ഷിക്കുന്നു. .എല്ലാ ഓട്ടോമൊബൈൽ കമ്പനികളും ഈ മാനദണ്ഡങ്ങൾ പാലിക്കുന്നതിൻെറ ഫലമായി വില വർധന പ്രഖ്യാപിക്കുമെന്നാണ് സൂചന.