യുഎഇ പെട്രോള്‍ വില കൂട്ടുന്നു; വര്‍ധനവ് ഈ ഒക്ടോബര്‍ മുതല്‍

ദുബായ്: ആഗോള തലത്തില്‍ ക്രൂഡ് ഒായിലിന്‍റെ വില വര്‍ധിക്കുന്നതിനെ തുടര്‍ന്ന് യുഎഇ ഒക്ടോബര്‍ മുതല്‍ പെട്രോളിന്‍റെ വില കൂട്ടാന്‍ തയ്യാറാകുന്നു. യുഎഇ ഉൗര്‍ജ മന്ത്രാലയമാണ് ഇക്കാര്യം വ്യക്തമാക്കിയത്.

ഒക്ടോബര്‍ ഒന്നു മുതല്‍ സൂപ്പര്‍ 98 ഇന്ധനത്തിന്‍റെ വില 2.59 ദര്‍ഹത്തില്‍ നിന്ന് 2.61 ദര്‍ഹത്തിലേക്കും സ്പെഷ്യല്‍ 95 വിഭാഗത്തിലുള്ള പെട്രോളിന് 2.48 ദര്‍ഹത്തില്‍ നിന്ന് 2.50 ദര്‍ഹത്തിലേക്ക് നീട്ടാനാണ് യുഎഇ തീരുമാനിച്ചിരിക്കുന്നത്. ഇതിന് മുന്നോടിയായി സെപ്റ്റംബറില്‍ ഡീസലിന് 12 ഫില്‍സ് കൂട്ടി 2.64 ദര്‍ഹത്തില്‍ നിന്ന് 2.76 ദര്‍ഹത്തിലേക്ക് കൂട്ടിയിരുന്നു.

പ്രധാന ക്രൂഡ് ഒായില്‍ കയറ്റുമതിക്കാരായ ഇറാന്‍ ഒരു ശതമാനം ഒായില്‍ വില വര്‍ധിപ്പിച്ചിരുന്നു. അമേരിക്ക ഇറാന് ഉപരോധം ഏര്‍പ്പെടുത്തിയതിയതോടെ നവംബറോടു കൂടി എണ്ണ വിപണി പ്രതിസന്ധിയിലാകുമെന്ന് വ്യാപാരികള്‍ കരുതുന്നുണ്ട്. അതുപോലെ 2019 ല്‍ ക്രൂഡ് ഒായില്‍ ബാരലിന്‍റെ വില 100 ഡോളര്‍ കടക്കുമെന്നും വ്യാപാരികള്‍ വ്യക്തമാക്കുന്നുണ്ട്.