വിദേശ നിക്ഷേപം പ്രോത്സാഹിപ്പിക്കാൻ പ്രോപ്പര്‍ട്ടി മാര്‍ക്കറ്റ് തുറന്ന് ഖത്തർ

ദോഹ: വിദേശ നിക്ഷേപം പ്രോത്സാഹിപ്പിക്കാൻ വിദേശികൾക്ക് പ്രോപ്പര്‍ട്ടി മാര്‍ക്കറ്റ് തുറന്ന് കൊടുത്തു ഖത്തർ. നിശ്ചിത തുകയ്ക്ക് വീടോ സ്റ്റോറുകളോ വാങ്ങിക്കുന്നവർക്ക് ഇനി സ്‌പോണ്‍സര്‍ഷിപ്പ് ഇല്ലാതെ താമസവിസ സ്വന്തമാക്കാം. 2022 ലെ ലോകകപ്പിന് മുന്നോടിയായി ഫോസില്‍ ഇന്ധനത്തിന്‍ മേലുള്ള ഖത്തര്‍ സമ്പദ്‌വ്യവസ്ഥയുടെ ആശ്രയത്വം കുറയ്ക്കുന്നതിന്റെയും വിദേശ മൂലധനം കൂട്ടുന്നതിന്റെയും ഭാഗമായാണ് നടപടി. കഴിഞ്ഞ വർഷം സെപ്റ്റംബറിലാണ് ഖത്തർ പദ്ധതി പ്രഖ്യാപിച്ചത്.

നേരത്തെ ഖത്തർ റെസിഡന്‍സിക്കായി ഏതെങ്കിലും ബിസിനസ് ഓര്‍ഗനൈസേഷനില്‍ നിന്നോ ഖത്തര്‍ പൗരന്‍മാരില്‍ നിന്നോ ഉള്ള സ്‌പോണ്‍സര്‍ഷിപ്പ് ആവശ്യമായിരുന്നു. എന്നാൽ ഇപ്പോൾ 200,000 ഡോളറിന് പ്രോപ്പര്‍ട്ടി വാങ്ങുന്നത് വഴി താല്‍ക്കാലിക താമസ അനുമതി ലഭിക്കും. 1 മില്യണ്‍ ഡോളറിന് പ്രോപ്പര്‍ട്ടി വാങ്ങുന്നതിലൂടെ സൗജന്യ വിദ്യഭ്യാസം, ചികിത്സ തുടങ്ങിയ പെര്‍മനന്റ് റെസിഡന്‍സി വിസയുടെ മുഴുവൻ ആനുകൂല്യങ്ങളും നിക്ഷേപകന് ലഭിക്കും.

Also Read: ദീപാവലി ഓഫറുമായി ടൊയോട്ട, ഹോണ്ട, മാരുതി, ഹ്യുണ്ടായ്, ടാറ്റ; കാറിന്മേൽ നേടാം രണ്ടര ലക്ഷം രൂപ വരെ കിഴിവ്

സമാന പദ്ധതി നേരത്തെ ദുബായും നടപ്പാക്കിയിട്ടുണ്ട്. 2.7 ദശലക്ഷം ഡോളർ നിക്ഷേപം നടത്തുന്നവർക്ക് ദുബായ് 10 വർഷത്തെ റെസിഡൻസി വിസ വാഗ്ദാനം ചെയ്യുന്നു. നിക്ഷേപത്തിന്റെ 40 ശതമാനവും പ്രോപ്പർട്ടിയിൽ ആയിരിക്കണം. അതേസമയം യു.എ.ഇ ആകര്‍ഷിക്കുന്നയത്ര വിദേശ നിക്ഷേപത്തെ ഖത്തറിന് ലഭിക്കുമോ എന്നതില്‍ ബിസിനസ് നിരീക്ഷകര്‍ക്ക് സംശയമുണ്ട്. മദ്യത്തിനും മറ്റു വിലക്കുള്ള യഥാസ്ഥിതിക ചട്ടങ്ങള്‍ ഖത്തറിലേക്കുള്ള വിദേശനിക്ഷേപത്തിന് തടസ്സമായി വന്നേക്കാം.