റിലയൻസിൽ നിക്ഷേപം നടത്താൻ ഒരുങ്ങി ക്വാൽകം വെഞ്ച്വേഴ്സ്

മുംബൈ : അമേരിക്കൻ മൾട്ടി നാഷണൽ കമ്പനിയായ ക്വാൽകം റിലയൻസ് ജിയോയിൽ 730 കോടി ഡോളര്‍ നിക്ഷേപിയ്ക്കുന്നു. ക്വാൽകവും ആയുള്ള ഇടപാടിനെ തുടര്‍ന്ന് റിലയൻസ് മൂല്യം രണ്ടു ശതമാനത്തോളം ഉയര്‍ന്നു. ജിയോയുടെ 0.15 ശതമാനം ഓഹരികളാണ് കമ്പനി വാങ്ങുന്നത്.

റിലയൻസ് ജിയോ ഓഹരികളുടെ മൂല്യം 4.91 ലക്ഷം കോടി രൂപയായി ഉയര്‍ന്നു. കമ്പനിയുടെ മൂല്യം 5.16 ലക്ഷം കോടി രൂപയും. 12 ആഴ്ചയ്ക്കുള്ളിൽ റിലയൻസിൽ എത്തുന്ന 13-ാം നിക്ഷേപം ആണിത്. ഇതോടെ കമ്പനിയിലെ മൊത്തം നിക്ഷേപം 1.18 ലക്ഷം കോടി രൂപയായി ഉയര്‍ന്നു.

Also Read: കൊറോണയേയും തോൽപ്പിച്ച് റിലയൻസ് ജിയോ

ഫേസ്ബുക്ക്, സിൽവര്‍ ലേക്ക്, വിസ്ത, ജനറൽ അറ്റ്ലാൻറിക്, കെകെആര്‍ തുടങ്ങിയ പ്രമുഖ കമ്പനികൾ എല്ലാം ജിയോയിൽ നിക്ഷേപം നടത്തിക്കഴിഞ്ഞു. അമേരിക്കൻ സെമി കണ്ടക്ടര്‍ കമ്പനിയായ ക്വാൽകമും ആയിട്ടുള്ള കൂട്ടുകെട്ട് ജിയോയുടെ 5 ജി നെറ്റ് വര്‍ക്കിലേക്കുള്ള യാത്ര കൂടുതൽ എളുപ്പമാക്കിയേക്കും