വായ്പാ മോറട്ടോറിയാം നീട്ടുമോ? ഇന്നറിയാം

കൊച്ചി: കൊറോണ പ്രതിസന്ധിയോട് അനുബന്ധിച്ച് ആര്‍ബിഐ പ്രഖ്യാപിച്ച വായ്പാ മോറട്ടോറിയം നീട്ടുമോ എന്ന് പണ നയ അവലോകന സമിതി ഇന്ന് വ്യക്തമാക്കും. അടിസ്ഥാന പലിശ നിരക്കുകൾ കുറയ്ക്കുമോ എന്നും ഇന്നറിയാം. 24-ാം ആര്‍ബിഐ അവലോകന യോഗമാണ് ഇന്ന്

മാര്‍ച്ച് മുതൽ ആഗസ്റ്റ് 31 വരെ രണ്ടു ഘട്ടങ്ങളായി ആര്‍ബിഐ വായ്പകൾക്ക് ഏര്‍പ്പെടുത്തിയ ആറു മാസത്തെ മോറട്ടോറിയം അവസാനിയ്ക്കാൻ ഇരിക്കെയാണ് റിസര്‍വ് ബാങ്ക് ഈ വിഷയത്തിൽ തീരുമാനം എടുക്കുന്നത്.

Also Read: ആര്‍ക്കും വേണ്ട ഇപ്പോൾ വസ്തുവും വീടും; റിയൽ എസ്റ്റേറ്റ് മേഖലയിൽ റെക്കോര്‍ഡ് ഇടിവ്

വായ്പാ മോറട്ടോറിയം വേണ്ട വായ്പകൾക്ക് പുനക്രമീകരണമാണ് ആവശ്യമെന്ന് ഈ രംഗത്തെ വിദഗ്ധര്‍ ആവശ്യപ്പെട്ടിരുന്നു. ആര്‍ബിഐ ഗവര്‍ണര്‍ ശക്തകാന്ത ദാസിൻെറ നേതൃത്വത്തിലുള്ള ധനനയ അവലോകന സമിതി കൊറോണ പ്രതിസന്ധി തുടങ്ങിയതിന് ശേഷം റിപോ നിരക്കിൽ 115 ബേസിസ് പോയിൻറിൻെറ കുറവ് വരുത്തിയിരുന്നു. ഇത് റിപ്പോ അധിഷ്ഠിത ലോണുകളുടെ പലിശ നിരക്ക് കുറയാൻ സഹായകരമായി.