ഭാരത് ബില്‍ പേ വഴി ഇനി കൂടുതല്‍ ബില്‍ പെയ്മെന്‍റുകള്‍

ഉപഭോക്താക്കളുടെ ബില്‍ പെയ്മെന്‍റ് എളുപ്പമാക്കുന്നതിനായി ഭാരത് ബില്‍ പെയ്മെന്‍റ് സംവിധാനം(ബി.ബി.പി.എസ്) വിപുലമാക്കാന്‍ റിസര്‍വ് ബാങ്കിന്‍റെ തീരുമാനം.
പ്രതിമാസം അടയ്ക്കേണ്ടി വരുന്ന വിവിധ ബില്ലുകള്‍ , ഇ.എം.ഐ,സ്കൂള്‍ ഫീസുകള്‍, ഇന്‍ഷുറന്‍സ് പ്രീമിയം, മുനിസിപ്പല്‍ ടാക്സ് തുടങ്ങിയവ എല്ലാം ഇത്തരത്തില്‍ ഓണ്‍ലൈനായി അടയ്ക്കാനാകും. എന്നാല്‍ പ്രീപെയ്ഡ് ചാര്‍ജുകള്‍ മാത്രം അടയ്ക്കാനാകില്ല.

ഇതുവരെ ഡിറ്റിഎച്ച്, വൈദ്യുതി ബില്‍, ഗ്യാസ്, ടെലികോം, വെള്ളം തുടങ്ങി അഞ്ച് വിഭാഗങ്ങളിലെ ബില്ലുകള്‍ മാത്രമായിരുന്നു ഇത്തരത്തില്‍ നല്‍കാനാകുന്നത്. ബില്ലിങ് കാറ്റഗറി കൂട്ടുന്നത് ഭാരത് ബില്‍ പേയുടെ ഉപഭോക്താക്കളെ കൂട്ടും എന്നതു കൂടെയാണ് പുതിയ നടപടിക്ക് പിന്നില്‍.

ബില്‍ പേമെന്‍റിനായുള്ള സംയോജിത പദ്ധതിയാണ് ഭാരത് ബില്‍ പേമെന്‍റ് സംവിധാനം.ഇലക്ട്രോണിക് പേമെന്‍റ് സംവിധാനം ആണിത്. ഓണ്‍ലൈനായും ഓഫ് ലൈനായും പണം അടയ്ക്കാം. ഏതു സമയവും എവിടെ നിന്നും വിവിധ ബില്ലുകള്‍ എളുപ്പത്തില്‍ അടയ്ക്കാനാവും എന്നതാണ് പ്രധാന സവിശേഷത.