വോഡഫോൺ എം-പെസ ഇനി ഇല്ല

ന്യൂഡൽഹി: വോഡഫോണിൻറെ പെയ്മെൻറ് ആപ്പായ എംപെസ ഇനി ഇല്ല. പെയ്മെൻറ് വിപണിയിൽ തുടരാൻ താൽപ്പര്യം ഇല്ലാത്തതിനാൽ കമ്പനിയുടെ സ‍ര്‍ട്ടിഫിക്കേറ്റ് ഓഫ് ഓദറൈസേഷൻ ആ‍ര്‍ബിഐ റദ്ദാക്കിയതാണ് കാരണം. ഇനി മുതൽ രാജ്യത്ത് കമ്പനിയ്ക്ക് പുതിയ പെയ്മെൻറ് ബിസിനസുകൾ നടത്താനാകില്ല. നിലവിൽ എംപെസ വാലറ്റിൽ പണം ഉള്ളവര്‍ക്ക് 2022 സെപ്റ്റംബര്‍ 30 വരെ പണം തിരിച്ചു നൽകാനായി കമ്പനിയെ സമീപിക്കാം.2015-ലാണ് വോഡഫോൺ എം- പെസയുൾപ്പെടെയുള്ള പെയ്മെൻറ് ആപ്പുകൾക്ക് ആ‍ര്‍ബിഐ അനുമതി നൽകിയത്.

Also Read: ഏറ്റവും കൂടുതൽ പ്രതിഫലം ആമസോണിൽ; ഇന്ത്യയിൽ കൂടുതൽ തൊഴിലവസരങ്ങൾ സൃഷ്ടിയ്ക്കും

ആദിത്യ ബിർള ഐഡിയ പേയ്മെൻറ്സ് ബാങ്ക് ജൂലൈയിൽ നിർത്തലാക്കിയതിനെ തുടർന്ന് പെയ്മെൻറ് വിപണിയിൽ നിന്ന് പിൻമാറാൻ വോഡഫോൺ തീരുമാനിയ്ക്കുകയായിരുന്നു. ഐഡിയ പെയ്മെൻറ്സ് ബാങ്കുമായുള്ള ലയനം സാധ്യമല്ലാത്തതാണ് എയർടെൽ പെയ്മെൻറ് വിപണിയിൽ നിന്ന് പിൻമാറാൻ കാരണം. ഇപ്പൾ ഇന്ത്യയിലെ പ്രമുഖ പെയ്മെൻറ് ബാങ്കുകൾ പേടിഎം പേയ്മെൻറ്സ് ബാങ്കും എയ‍ര്‍ടെൽ പേയ്മെൻറ്സ് ബാങ്കുമാണ്.