വായ്പകൾക്ക് മോറട്ടോറിയം പ്രഖ്യാപിച്ച് ആർബിഐ; മൂന്നു മാസം ഇഎംഐ വേണ്ട

ന്യൂഡൽഹി: കൊറോണക്കാലത്ത് ആശ്വാസമായി കേന്ദ്ര ബാങ്ക് ഇടപെടൽ. അടിസ്ഥാന നിരക്കുകൾ കുറച്ചുതിനു പുറമെ വായ്പകൾക്ക് മോറട്ടോറിയം പ്രഖ്യാപിച്ചു. മൂന്നു മാസത്തെ വായ്പാ തിരിച്ചടവ് വേണ്ട. ഭവന, വാഹന വായ്പകൾ ഉൾപ്പെടെ എടുത്തിട്ടുള്ളവർക്ക് നടപടി സഹായകരമാകും.

നിശ്ചിത കാലയളവിലുള്ള എല്ലാ വായ്പകൾക്കും മോറട്ടോറിയം ലഭിയ്ക്കും. ബാങ്ക് ഗ്യാരണ്ടിയുൾപ്പെടെ വ‍ര്‍ക്കിങ് ക്യാപിറ്റൽ വായ്പകളുടെ പലിശയ്ക്കും മോറട്ടോറിയം ബാധകമാണ്.

റിപ്പോ, റിവേഴ്സ് റിപ്പോ നിരക്കുകളിൽ വരുത്തിയിരിക്കുന്ന മാറ്റം വായ്പകൾ എടുത്തിട്ടുള്ളവർക്ക് വീണ്ടും ആശ്വാസകരമാകും. ഭവന, വാഹന വായ്പക പലിശ നിരക്കുകൾ കുറയും.

Also Read: കൊറോണ; പ്രത്യേക സാമ്പത്തിക പാക്കേജിലെ പ്രഖ്യാപനങ്ങൾ അറിയാം

കൊറോണക്കാലത്ത് പണലഭ്യത ഉറപ്പാക്കുകയാണ് ലക്ഷ്യം. ആഭ്യന്തര വിപണിയെ ശക്തിപ്പെടുത്തുന്നതിൻറെ ഭാഗമായാണ് ആർബിഐ നീക്കമെന്ന് ഗവർണർ ശക്തികാന്ത ദാസ് അറിയിച്ചു.

പ്രതിസന്ധികാലത്ത് രാജ്യത്തെ ബാങ്കുകളെ ശ്കതിപ്പെടുത്തും എന്നും ആർബിഐ അറിയിച്ചിട്ടുണ്ട്. രാജ്യത്തെ സാമ്പത്തിക പ്രതിസന്ധി പ്രവചാനാതീതമാണെന്നും വളർച്ചാ നിരക്കു കുറയുമെന്നുമാണ് നിലവിലെ പ്രതിസന്ധിയെ ആർബിഐ വിശേഷിപ്പിയ്ക്കുന്നത്.