വ്യാജസന്ദേശങ്ങളിൽ ജാഗ്രത വേണം; മുന്നറിയിപ്പുമായി റിസർവ് ബാങ്ക്

മുംബൈ: റിസർവ് ബാങ്കിന്റെ പേരിൽ വരുന്ന വ്യാജ ഇമെയിൽ, എസ്എംഎസ് സന്ദേശങ്ങളിൽ ജാഗ്രത വേണമെന്ന് റിസർവ് ബാങ്ക് മുന്നറിയിപ്പ് നൽകി. സാമ്പത്തിക തട്ടിപ്പ് ലക്ഷ്യമിട്ടാണ് റിസർവ് ബാങ്കിന്റെ ഇമെയിലുകളെ അനുകരിച്ചുള്ള ഇത്തരം സന്ദേശങ്ങൾ പ്രചരിപ്പിക്കുന്നതെന്നും ബാങ്ക് പുറത്തുവിട്ട പ്രസ്താവനയിൽ വ്യക്തമാക്കി.

rbi.org.in എന്നതാണ് ആർബിഐയുടെ ഇമെയിൽ ഡോമെയ്ൻ വിലാസം. ഇതിൽനിന്ന് മാത്രമാണ് റിസർവ് ബാങ്ക് ഇ-മെയിൽ സന്ദേശങ്ങൾ ലഭിക്കുക. ഇതുകൂടാതെ ഉദ്യോഗസ്ഥരുടെ പേരിനൊപ്പവും ഈ ഡൊമെയ്ൻ ഉൾപ്പെടുത്തിയിട്ടുണ്ടാകും. എന്നാൽ ആർബിഐ, റിസർവ് ബാങ്ക്, പേമെന്റ് തുടങ്ങിയ വാക്കുകൾ ഉൾപ്പെടുത്തിയാകും വ്യാജ ഇമെയിൽ വിലാസങ്ങൾ ഉണ്ടാകുക.

Also Read: ഈ സ്മാർട് ടിവി കിടിലൻ;10 മിനിറ്റിനുള്ളിൽ വിറ്റത് 15,000 യൂണിറ്റുകൾ

സാധാരണക്കാരായ ജനങ്ങൾക്ക് റിസർവ് ബാങ്ക് ഇമെയിൽ സന്ദേശങ്ങൾ അയക്കാറില്ല. അതിനാൽ പൊതുജനവും സാമ്പത്തികസ്ഥാപനങ്ങളും ഇത്തരം വ്യാജ ഇമെയിലുകൾ ലഭിച്ചാൽ ജാഗ്രതയോടെ മാത്രമേ തുടർനടപടികൾ സ്വീകരിക്കാവൂയെന്നും റിസർവ് ബാങ്ക് അറിയിച്ചു.