അനില് അംബാനിയുടെ ഉടമസ്ഥതയില് ഉള്ള റിലയന്സ് കമ്മ്യൂണിക്കേഷന്റെ സി.ഇ.ഒ സ്ഥാനം രാജിവെച്ച് ബില് ബര്ണി. അനില് അംബാനിയുടെ തന്നെ ഉടമസ്ഥതയിലെ സബ്മറൈന് കൈബിള് വിഭാഗമായ ഗ്ലോബല് ക്ലൗഡ് എക്സ്ചേഞ്ചിന്റെ പ്രവര്ത്തനങ്ങള്ക്ക് ബര്ണി ഇനി പൂര്ണമായി നേതൃത്വം നല്കും.
ജി.സി.എക്സിന്റെ ചെയര്മാനും സി.ഇ.ഒയുമായാണ് ബര്ണി .അടുത്തിടെ കമ്പനി (ജി.സി.എക്സ്) യു.എസ് കോടതിയില് ബാങ്ക് പാപ്പരത്ത ഹര്ജി ഫയല് ചെയ്തിരുന്നു. ജി.സി.എക്സിന്റെ കടബാധ്യതകള് കുറച്ച് പ്രവര്ത്തനങ്ങള് ഏകോപിപ്പിക്കാന് നടപടി സഹായകരമായേക്കും. കഴിഞ്ഞ മൂന്ന് വര്ഷങ്ങളായി ബില് ബര്ണി റിലയന്സ് കമ്മ്യൂണിക്കേഷന്സിന്റെ സി.ഇ.ഒ സ്ഥാനത്ത്
പ്രവര്ത്തിച്ചു വരികയായിരുന്നു.
കടബാധ്യതകള് കുറയ്ക്കുന്നതിന്റെ ഭാഗമായി റിലയന്സ് കമ്മ്യൂണിക്കേഷന്റെ ഭാഗമായ റിലയന്സ് ടെലികോം, റിലയന്സ് ഇന്ഫ്രാടെല് തുടങ്ങിയ കമ്പനികളുടെ സ്വത്തു വില്പ്പന 2020 ജനുവരിയോടെ പൂര്ത്തിയാക്കിയേക്കും എന്നാണ് സൂചന.
ഇന്ത്യയുടെ ജി.ഡി.പി വളര്ച്ചാ പ്രവചനത്തില് മാറ്റം വരുത്തി എ.ഡി.ബി