റീചാര്‍ജ് ചെയ്താൽ 30 രൂപ മുതൽ 300 രൂപ വരെ ക്യാഷ് ബാക്ക്
പേടിഎം വാലറ്റ് ഉപയോഗിച്ച് എളുപ്പത്തിൽ മൊബൈൽ റീചാര്‍ജ് ചെയ്യാനും ആകും. ഓരോ റീചാര്‍ജിനും 30 രൂപ മുതൽ 300 രൂപ വരെയാണ് ക്യാഷ് ബാക്ക് ഓഫര്‍. ഒരു മാസം നടത്തുന്ന ആദ്യ മൂന്ന് റീചാര്‍ജുകൾക്കാണ് ഓഫര്‍ ബാധകമാവുക. മൊബൈൽ റീചാര്‍ജ് ചെയ്യുന്നതിനായി പേടിഎം വാലറ്റ് തുറന്ന് പ്രീപെയ്ഡ് പോസ്റ്റ് പെയിഡ് ഐക്കൺ ക്ലിക്ക് ചെയ്യാം. മൊബൈൽ നമ്പര്‍, റീചാര്‍ജ് പ്ലാൻ എന്നിവ നൽകാം. വാലറ്റ് ഉപയോഗിച്ചോ ബാങ്ക് അക്കൗണ്ടിൽ നിന്നോ ഡെബിറ്റ്, ക്രെഡിറ്റ് കാര്‍ഡുകൾ ഉപയോഗിച്ചോ പണം നൽകാൻ ആകും.
ഗ്യാസ് സിലിണ്ടര്‍ ബുക്ക് ചെയ്താൽ ആകര്‍ഷക ഓഫര്‍
പേടിഎം വാലറ്റ് ഉപയോഗിച്ച് ഗ്യാസ് സിലിണ്ടര്‍ ബുക്ക് ചെയ്യാനും ആകും. ഭാരത് ഗ്യാസ്, എച്ച്പി, ഇൻഡേൻ എന്നിവയുടെ സിലിണ്ടറുകൾ ബുക്ക് ചെയ്യാം. ഗ്യാസ് ബുക്ക് ചെയ്യുന്നവര്‍ക്ക് ആകര്‍ഷകമായ ഓഫറുകളും കമ്പനി പ്രഖ്യാപിക്കാറുണ്ട്. പെയ്മെൻറുകൾ മാത്രമാണ് ആപ്ലിക്കേഷനിലൂടെ നടത്താൻ ആകുക. സിലിണ്ടര്‍ വിതരണം ഉൾപ്പെടെ ഗ്യാസ് ഏജൻസിയുടെ നേതൃത്വത്തിൽ ആണ്. ഗ്യാസ് സിലിണ്ടറുകൾ ഒൻപത് രൂപ ബുക്ക് ചെയ്യാൻ ആകുന്ന ഓഫര്‍ മുതൽ 900 രൂപ ക്യാഷ് ബാക്ക് വരെയുള്ള ഓഫറുകൾ കമ്പനി പ്രഖ്യാപിച്ചിരുന്നു
ക്യൂര്‍ കോഡ് സ്കാൻ ചെയ്താൽ 100 രൂപ വരെ
പേടിഎം മുഖേനയുള്ള പണം ഇടപാടുകൾക്കുമുണ്ട് ആകര്‍ഷകമായ ഓഫറുകൾ. പേടിഎം ക്യൂആര്‍ കോഡ് സ്കാൻ ചെയ്ത് നടത്തുന്ന ഇടപാടുകൾക്ക് 10 രൂപ മുതൽ 100 രൂപ വരെയാണ് ക്യാഷ് ബാക്ക് ലഭിക്കുന്നത്. മറ്റു ബാങ്കുകളിൽ നിന്ന് പേടിഎം വാലറ്റിലേക്ക് നടത്തുന്ന പണം കൈമാറ്റത്തിനും കമ്പനി ക്യാഷ് ബാക്ക് നൽകുന്നുണ്ട്. ഓരോ തവണ വാലറ്റിൽ പണം ഇടുമ്പോഴും കുറഞ്ഞത് 20 രൂപ ലഭിക്കും