കൊറോണ; റിലയൻസ് ഇൻഡസ്ട്രീസിലും സാലറി കട്ട്

കൊച്ചി: കൊറോണ പ്രതിസന്ധി മൂലം ഏഷ്യയിലെ തന്നെ ഏറ്റവും വലിയ സമ്പന്നനായ മുകേഷ് അംബാനിയുടെ ഉടമസ്ഥതയിൽ ഉള്ള റിലയൻസ് ഇൻഡസ്ട്രീസ് ജീവനക്കാരുടെ ശമ്പളം പിടിയ്ക്കുമെന്ന് വ്യക്തമാക്കിക്കഴിഞ്ഞു. പ്രതിസന്ധി ഗുരുതരമായി ബാധിച്ച കമ്പനിയുടെ ഹൈഡ്രോകാ‍‍ര്‍ബൺ ഡിവിഷനിലെ ജീവനക്കാരുടെ ശമ്പളമാണ് പിടിയ്ക്കുന്നത്.

പ്രതിവ‍ര്‍ഷം 15 ലക്ഷം രൂപയിൽ കൂടുതൽ ശമ്പളം നേടുന്ന ജീവനക്കാരുടെ ശമ്പളമാണ് വെട്ടിക്കുറയ്ക്കുന്നത്. അതേസമയം 15 ലക്ഷം രൂപയിൽ താഴെ വരുമാനമുള്ളവരുടെ ശമ്പളത്തിന് സാലറി കട്ട് ബാധകമാകില്ല.

Also Read: കൊറോണയ്ക്ക് ശേഷം 50 ശതമാനം ജോലികൾ ഇല്ലാതായേക്കും എന്ന് ഐഎൽഒ

അതേസമയം വാർഷിക ബോണസും, പെർഫോമൻസ് അടിസ്ഥാനമാക്കിയുള്ള ഇൻസെൻറീവുകളും ജീവനക്കാർക്ക് ഇത്തവണ നഷ്ടമായേക്കും.കമ്പനിയുടെ ഡയറക്ട‍ര്‍ ബോ‍ര്‍ഡ് അംഗങ്ങൾ പ്രതിസന്ധി ഘട്ടത്തിൽ 30-50 ശതമാനം വരെ ശമ്പളം ഉപേക്ഷിയ്ക്കും എന്നാണ് റിപ്പോ‍ര്‍ട്ടുകൾ. കൊറോണ മൂലം എണ്ണ ആവശ്യകതയിൽ ഉണ്ടായ കുറവ് റിലയൻസിൻറെ പെട്രോകെമിയ്ക്കൽ ബിസിനസിനെ ഉൾപ്പെടെ ബാധിച്ചിരുന്നു. കമ്പനിയുടെ മൂന്നാം പാദത്തിലെ അറ്റാദായം 39 ശതമാനം ഇടിഞ്ഞിട്ടുണ്ട്.

Also Read: കൊറോണ; വരുമാന നഷ്ടം ഒഴിവാക്കാം ഇക്കാര്യങ്ങൾ ശ്രദ്ധിച്ചാൽ