13 ലക്ഷം കോടി രൂപയും കടന്ന് റിലയൻസ് വിപണി മൂല്യം

മുംബൈ : റിലയൻസ് ഇൻഡസ്ട്രീസ് വിപണി മൂല്യം കുതിച്ചുയരുന്നു. 13 ലക്ഷം കോടിയും കടന്ന് രാജ്യത്തെ ഏറ്റവും വിപണി മൂല്യമുള്ള കമ്പനി എന്ന നിലയിലുള്ള റിലയൻസിൻെറ കുതിപ്പ് തുടരുകയാണ്. ഇതോടെ ലോകത്തെ ഏറ്റവും വലിയ സമ്പന്നരിൽ അഞ്ചാമൻ സ്ഥാനം മുകേഷ് അംബാനി നിലനിര്‍ത്തി. ശതകോടീശ്വരൻമാരുടെ ഫോബ്സ് പട്ടികയിലും അഞ്ചാം സ്ഥാനത്താണ് അംബാനി.

ഫോബ്സ് പട്ടികയിൽ ഒന്നാം സ്ഥാനത്ത് ആമസോൺ സ്ഥാപകൻ ജെഫ് ബെസോസ് ആണ്. ബിൽഗേറ്റ്സ് ആണ് രണ്ടാം സ്ഥാനത്ത്. ബെര്‍നാര്‍ഡ് അര്‍നോൾട്ട് മൂന്നാം സ്ഥാനത്തും മാര്‍ക്ക് സുക്കര്‍ബര്‍ഗ് നാലാം സ്ഥാനത്തുമാണ്. ഈ മാസം തന്നെ റിലയൻസിൻെറ വിപണി മൂല്യം 12 ലക്ഷം കോടി രൂപ കടന്നിരുന്നു.

Also Read: റിലയൻസ് ഓഹരികൾ സര്‍വ്വകാല റെക്കോര്‍ഡിൽ; എല്ലാ കണ്ണുകളും വാര്‍ഷിക പൊതുയോഗത്തിൽ

വിപണി മൂല്യത്തിൽ ലോകത്തെ തന്നെ 57-ാമത്തെ വിശ്വസ്ത സ്ഥാപനമാണ് റിലയൻസ്. സൗദി അരാംകോയാണ് പട്ടികയിൽ ഒന്നാമത്. കമ്പനികളുടെ ഭാഗികമായി വിറ്റഴിച്ച ഓഹരികളുടെ വിപണി മൂല്യം മാത്രം 46,702.88 കോടി രൂപയാണ് .

Also Read: ഗൂഗിൾ ജിയോയുടെ 7.7 ശതമാനം ഓഹരികൾ വാങ്ങും; നിക്ഷേപിയ്ക്കുന്നത് 33,737 കോടി രൂപ