റിലയൻസ് ടിക് ടോക് ഏറ്റെടുക്കുമോ?ചൂടു പിടിച്ച് ചര്‍ച്ചകൾ

മുംബൈ: ടിക് ടോക്കിൻെറ മാതൃകമ്പനിയായ ബൈറ്റ് ഡാൻസിൽ നിക്ഷേപത്തിന് ഒരുങ്ങി റിലയൻസ് ഇൻഡസ്ട്രീസും. ടിക്ക് ടോക്കിൻെറ ഇന്ത്യയിലെ ബിസിനസ് ഏറ്റെടുക്കുകയാണ് ലക്ഷ്യം എന്നാണ് സൂചനകൾ.

ഇതു സംബന്ധിച്ച ചര്‍ച്ചകൾ പുരോഗമിയ്ക്കുകയാണ്. ചൈനീസ് സംഘര്‍ഷങ്ങളുടെ പശ്ചാത്തലത്തിൽ സര്‍ക്കാര്‍ നിരോധിച്ച ആപ്പുകളുടെ കൂട്ടത്തിൽ ഇന്ത്യയിൽ ജനപ്രിയമായി കൊണ്ടിരുന്ന ടിക് ടോക്കും ഉണ്ടായിരുന്നു. ടിക് ടോക്കിന് ഏറ്റവും കൂടതൽ ഉപഭോക്താക്കൾ ഉള്ള രാജ്യങ്ങളിൽ ഒന്നാണ് ഇന്ത്യ. വരുമാനത്തിലും ടിക് ടോക്ക് ഇന്ത്യാ ബിസിനസ് മുന്നിൽ ആയിരുന്നു.

Also Read: ടിക് ടോക്കിൽ നിന്ന് ഏറ്റവുമധികം വരുമാനം നേടിയത് 19 കാരി; പ്രതിവര്‍ഷം 50 ലക്ഷം ഡോളര്‍

മൈക്രോസോഫ്റ്റും ട്വിറ്ററും ഉൾപ്പെടെ ടിക് ടോക് ഏറ്റെടുക്കാൻ താൽപ്പര്യം പ്രകടിപ്പിയ്ക്കുന്നതായി റിപ്പോര്‍ട്ടുകൾ ഉണ്ടായിരുന്നു . മൈക്രോസോഫ്റ്റും ട്വിറ്ററും ഉൾപ്പെടെ ടിക് ടോക് ഏറ്റെടുക്കാൻ താൽപ്പര്യം പ്രകടിപ്പിയ്ക്കുന്നതായി റിപ്പോര്‍ട്ടുകൾ ഉണ്ടായിരുന്നു.

Also Read: ടിക് ടോക്കിന്റെ യുഎസിലെ പ്രവര്‍ത്തനങ്ങൾ ഏറ്റെടുക്കാൻ ട്വിറ്ററും, മൈക്രോസോഫ്റ്റിന് വെല്ലുവിളിയാകുമോ?

ഏതെങ്കിലും അമേരിയ്ക്കൻ കമ്പനി ഏറ്റെടുത്തില്ലെങ്കിൽ സെപ്റ്റംബര്‍ പകുതിയോടെ ടിക് ടോക്ക് യുഎസിൽ നിരോധിയ്ക്കും എന്ന് അമേരിക്കൻ പ്രസിഡൻറ് ഡൊണാൾഡ് ട്രംപ് വ്യക്തമാക്കിയിരുന്നു. ബൈറ്റ് ഡാൻസുമായി ഏറ്റെടുക്കൽ സംബന്ധിച്ച ചര്‍ച്ചകൾ നടത്തുന്നതായി മൈക്രോസോഫ്റ്റും സ്ഥിരീകരിച്ചിട്ടുണ്ട്. ഇതിനിടയിലാണ് ബൈറ്റ്ഡാൻസ് അധികൃതര്‍ റിലയൻസുമായും ചര്‍ച്ച നടത്തുന്നത്.

ഇന്ത്യയ്ക്ക് പുറമെ യുഎസ്, ആസ്ട്രേലിയ, ന്യൂസിലൻറ്, കാന‍ഡ ഉൾപ്പെടെയുള്ള രാജ്യങ്ങളിലെ ബിസിനസ് ഏറ്റെടുക്കാൻ ആണ് മൈക്രോസോഫ്റ്റ് സന്നദ്ധത അറിയിച്ചിരിയ്ക്കുന്നത്. ഇന്ത്യയിലെ ബിസിനസിലാണ് റിലയൻസിന് താൽപ്പര്യം.