വരിക്കാരുടെ കാര്യത്തിൽ റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനിയുടെ ജിയോയെ കടത്തിവെട്ടി കുതിച്ചുപ്പായുകയാണ് സുനില് മിത്തലിന്റെ ടെലികോം കമ്പനിയായ എയര്ടെൽ. കഴിഞ്ഞ അഞ്ച് മാസമായി എയർടെൽ ഈ കുതിപ്പ് തുടങ്ങിയിട്ട്. വോഡഫോണ് ഐഡിയ വിട്ടുപോയവർ എയര്ടെലിലേക്കാണ് ചേക്കേറിയതാണ് ഈ കുതിച്ചുച്ചാട്ടത്തിന് പിന്നിലെന്ന് ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായി) വെളിപ്പെടുത്തിയിരുന്നു. പല അടവും പയറ്റി നോക്കിയെങ്കിലും എയർടെലിനെ മറികടക്കാൻ ജിയോയ്ക്ക് പറ്റിയിട്ടില്ല. ഇതിനിടെ മറ്റൊരു അടവുമായി എത്തിയിരിക്കുകയാണ് ജിയോ. ഉപയോക്താക്കൾക്ക് ആകർഷകമായ ഓഫറുകളാണ് കമ്പനി അവതരിപ്പിച്ചിരിക്കുന്നത്. ഇന്ത്യയിലെ ജിയോഫോൺ ഉപയോക്താക്കൾക്കായാണ് പുതിയ ഓഫർ പ്രഖ്യാപിച്ചിരിക്കുന്നത്. 'ന്യൂ ജിയോഫോൺ 2021' എന്നറിയപ്പെടുന്ന പുതിയ ഓഫറിന്റെ ഭാഗമായി മൂന്ന് പ്ലാനുകൾ റിലയൻസ് ജിയോ അവതരിപ്പിച്ചിട്ടുണ്ട്. 1,999, 1,499, 749 എന്നീ രൂപയുടേതാണ് പ്ലാനുകൾ. ജിയോഫോൺ ഹാൻഡ്സെറ്റ്, പരിധിയില്ലാത്ത വോയ്സ് കോളിങ്, പ്രതിമാസം 2 ജിബി ഡാറ്റ എന്നിവയാണ് 1,999 രൂപയുടേയും 1,499 രൂപയുടേയും പ്ലാനുകൾ വാഗ്ദാനം ചെയ്യുന്നത്. രണ്ട് വർഷമാണ് പ്ലാനിന്റെ കാലാവധി.
Also Read: ഫാസ്ടാഗ് മുതൽ എടിഎം ഇടപാട് വരെ; മാർച്ച് ഒന്ന് മുതൽ നിലവിൽ വരുന്ന സാമ്പത്തിക മാറ്റങ്ങൾ
749 രൂപയുടെ പ്ലാൻ പരിധിയില്ലാത്ത വോയ്സ് കോളിങും പ്രതിമാസം 2 ജിബി ഡാറ്റയുമാണ് വാഗ്ദാനം ചെയ്യുന്നത്. ഈ പദ്ധതിയുടെ കാലാവധി ഒരു വർഷമാണ്. 2017ൽ അവതരിപ്പിച്ച ജിയോഫോൺ 1 മോഡൽ ഹാൻഡ്സെറ്റ് ആണ് റിലയൻസ് ജിയോ വാഗ്ദാനം ചെയ്യുന്നത്. മാർച്ച് 1 മുതൽ ഓഫർ ലഭ്യമാകും. പുതിയതും നിലവിലുള്ളതുമായ മുഴുവൻ ജിയോഫോൺ ഉപയോക്താക്കൾക്കും ജിയോഫോൺ 2021 ഓഫർ ലഭിക്കും.
Also Read: ഫാസ്ടാഗ് മുതൽ എടിഎം ഇടപാട് വരെ; മാർച്ച് ഒന്ന് മുതൽ നിലവിൽ വരുന്ന സാമ്പത്തിക മാറ്റങ്ങൾ
749 രൂപയുടെ പ്ലാൻ പരിധിയില്ലാത്ത വോയ്സ് കോളിങും പ്രതിമാസം 2 ജിബി ഡാറ്റയുമാണ് വാഗ്ദാനം ചെയ്യുന്നത്. ഈ പദ്ധതിയുടെ കാലാവധി ഒരു വർഷമാണ്. 2017ൽ അവതരിപ്പിച്ച ജിയോഫോൺ 1 മോഡൽ ഹാൻഡ്സെറ്റ് ആണ് റിലയൻസ് ജിയോ വാഗ്ദാനം ചെയ്യുന്നത്. മാർച്ച് 1 മുതൽ ഓഫർ ലഭ്യമാകും. പുതിയതും നിലവിലുള്ളതുമായ മുഴുവൻ ജിയോഫോൺ ഉപയോക്താക്കൾക്കും ജിയോഫോൺ 2021 ഓഫർ ലഭിക്കും.