മൈ ജിയോ ആപ്പിന് ഒരു കോടി ഡൗണ്‍ലോഡ്

റിലന്‍യന്‍സ് ജിയോയുടെ ആപ്ലിക്കേഷന്‍ ആയ മൈ ജിയോക്ക് ഗൂഗിള്‍ പ്ലേസ്റ്റോറില്‍ ഒരു കോടി ഡൗണ്‍ലോഡ് ലഭിച്ചു. ഇതനുസരിച്ച് ഒരുപക്ഷേ, ജിയോ വരിക്കാരുടെ എണ്ണവും ഏതാണ്ട് ഒരു കോടിക്ക് അടുത്ത് എത്തിയേക്കാമെന്ന് ഇടി ടെലികോം റിപ്പോര്‍ട്ട് ചെയ്തു.

റിലയന്‍സ് ജിയോ അക്കൗണ്ടുകള്‍ ഉള്ളവര്‍ക്ക് സേവനം നിയന്ത്രിക്കാനുള്ള ആപ്ലിക്കേഷനാണ് മൈ ജിയോ. ജിയോ ഡിജിറ്റല്‍ സര്‍വ്വീസുകള്‍ ഇതിലൂടെയാണ് ഉപയോഗിക്കുന്നത്. റിപ്പോര്‍ട്ട് അനുസരിച്ച് 4ജി വോയ്‍സ് കോളുകള്‍ക്ക് ഉപയോഗിക്കുന്ന ജിയോ4ജിവോ‍യ്‍സ് ആപ്പ് 50 ലക്ഷം തവണ ഡൗണ്‍ലോഡ് ചെയ്യപ്പെട്ടിട്ടുണ്ട്. വിഒഎല്‍ടിഇ സൗകര്യം ഇല്ലാത്ത ഉപഭോക്താക്കള്‍ക്കാണ് ഇത് ഉപയോഗിക്കേണ്ടി വരുന്നത്. ഡൗണ്‍ലോഡിന്‍റെ എണ്ണത്തില്‍ ഇന്ത്യയില്‍ വാട്ട്സ്ആപ്പ്, ഫേസ്ബുക്ക് എന്നിവയെ ജിയോ മറികടന്നിരുന്നു.

Reliance Jio's digital service application MyJio reached 10 million downloads in Google Playstore.