സാമ്പത്തിക വളര്‍ച്ച കുറയും;റിപ്പോ നിരക്കിൽ മാറ്റം വരുത്താതെ ആര്‍ബിഐ

ന്യൂഡൽഹി: റിപ്പോ നിരക്കിൽ മാറ്റം വരുത്താതെ ആര്‍ബിഐ. നാലു ശതമാനം നിരക്ക് തുടരും. മെയിൽ നടന്ന പണ നയ അവലോകന യോഗത്തിൽ റിസര്‍വ് ബാങ്ക് റിപ്പോ നിരക്ക് 40 ബേസിസ് പോയിൻറുകൾ കുറച്ചിരുന്നു. ഇതേ തുടര്‍ന്ന് ആണ് 4 ശതമാനം ആയി നിരക്ക് മാറിയത്.

കൊവിഡ് പ്രതിസന്ധി മൂലം ആഗോള സാമ്പത്തിക വളര്‍ച്ച കുറഞ്ഞു. എല്ലാ പ്രധാന വിപണികളും അനിശ്തിതത്വത്തിൽ ആണെന്ന് ആര്‍ബിഐ ഗവര്‍ണര്‍ ശക്തികാന്ത ദാസ് വ്യക്തമാക്കി. രാജ്യത്തെ ജിഡിപി വളര്‍ച്ച പൂജ്യമായി തുടരും.

ആവശ്യമെങ്കിൽ ആര്‍ബിഐ പ്രത്യേക വായ്പാ നയം പ്രഖ്യാപിയ്ക്കും.
മ്യച്വൽ ഫണ്ട് ഉൾപ്പെടെയുള്ള മേഖലകളിൽ ഇതോടകം പണ ലഭ്യത ഉറപ്പാക്കിയിട്ടുണ്ടെന്നും ആര്‍ബിഐ ഗവര്‍ണര്‍ വ്യക്തമാക്കി. അതേസമയം നബാര്‍ഡ്, നാഷണൽ ഹൗസിങ് കോര്‍പ്പറേഷൻ എന്നിവയ്ക്ക് 10,000 കോടി രൂപയുടെ അധിക പണ ലഭ്യത ഉറപ്പാക്കും. ബാങ്ക് ഇതര ധനകാര്യ സ്ഥാപനങ്ങളുടെ പണലഭ്യതക്കുറവ് പരിഹരിയ്ക്കുകയാണ് ലക്ഷ്യം.

Also Read: വായ്പാ മോറട്ടോറിയാം നീട്ടുമോ? ഇന്നറിയാം

കൊറോണ പ്രതിസന്ധി തുടങ്ങിയതിന് ശേഷം റിപോ നിരക്കിൽ കേന്ദ്രബാങ്ക് 115 ബേസിസ് പോയിൻറിൻെറ കുറവ് വരുത്തി. ഇത് റിപ്പോ അധിഷ്ഠിത ലോണുകളുടെ പലിശ നിരക്ക് കുറയാൻ സഹായകരമായിരുന്നു. എന്നാൽ വായ്പാ വളര്‍ച്ചകുറഞ്ഞിരിയ്ക്കുന്നതിനാലും സാമ്പത്തിക പ്രതിസന്ധി തുടരുന്നതിനാലും ഇത്തവണ റിപ്പോ നിരക്ക് കുറയ്ക്കണ്ടതില്ലെന്ന തീരുമാനത്തിൽ സമിതി എത്തുകയായിരുന്നു.