അടുത്ത വർഷം മുതൽ മൊബൈൽ പെട്രോൾ പമ്പുകൾ വീടുകളിൽ എത്തും

ന്യൂഡൽഹി: രത്തൻ ടാറ്റയുടെ ഉടമസ്ഥതയിൽ ഉള്ള സ്റ്റാ‍ര്‍ട്ടപ്പ് ഇന്ത്യയിൽ ഉടനീളം മൊബൈൽ പെട്രോൾ പമ്പുകൾ ഉത്പാദിപ്പിച്ച് വിൽപ്പന ആരംഭിയ്ക്കുന്നു. ഈ വ‍ര്‍ഷം തന്നെ 3,000 മൊബൈൽ പെട്രോൾ പമ്പുകൾ ഇന്ത്യയിൽ ഉടനീളം ഉത്പാദിപ്പിയ്ക്കും.

ജിപിഎസ്, ജിയോ ഫെൻസിങ് സംവിധാനങ്ങളോടെയാണ് പെട്രോൾ, ഡീസൽ വാഹനങ്ങൾ ഉത്പാദിപ്പിയ്ക്കുക. പൂനൈ കേന്ദ്രീകരിച്ച് പ്രവ‍ര്‍ത്തിയ്ക്കുന്ന റിപോസ് എന‍ര്‍ജിയാണ് ഇത്തരം വാഹനങ്ങൾ വിപണിയിൽ എത്തിയ്ക്കുന്നത്. ഇത്തരത്തിൽ 320 ഓളം വാഹനങ്ങൾ ഇപ്പോൾ കമ്പനിയ്ക്കുണ്ട്. ഉപഭോക്താക്കളുടെ ആവശ്യം അനുസരിച്ച് വീടുകളിൽ എത്തി വാഹനങ്ങളിൽ ഇന്ധനം നിറയ്ക്കാൻ സഹായകരമാണ് പദ്ധതി.

Also Read: സാനിറ്റൈസറിൽ പുതിയ പരീക്ഷണവുമായി കിംഗ് ഖാൻ

നിലിവിൽ ഒരു ലക്ഷത്തോളം പെട്രോൾ പമ്പുകൾ രാജ്യത്ത് ആവശ്യമാണെങ്കിലും വളരെ കുറച്ചു പമ്പുകൾ മാത്രമാണ് പ്രവ‍ര്‍ത്തിയ്ക്കുന്നത്. ഈ സാഹചര്യത്തിലാണ് മൊബൈൽ പെട്രോൾ പമ്പുകൾ എന്ന ആശയം ഉടലെടുക്കുന്നത്.

മൊബൈൽ ആപ്ലിക്കേഷൻ മുഖേനയുള്ള ഓ‍ര്‍ഡര്‍ അനുസരിച്ച് വീടുകളിൽ ഇന്ധനം എത്തിയ്ക്കാൻ പുതിയ സംവിധാനം സഹായകരമാകും. ക്ലൗഡ് സാങ്കേതിക വിദ്യയാണ് ഇതിനായി ഉപയോഗിയ്ക്കുന്നത്.
രാജ്യത്ത് ഉടനീളം കമ്പനിയുടെ 100 മൊബൈൽ പെട്രോൾ പമ്പുകൾ ഇപ്പോൾ പ്രവ‍ര്‍ത്തിയ്ക്കുന്നുണ്ട്