പ്രതിഫലമില്ലാതെ സ്ത്രീകളുടെ ജോലി
ലോകമെമ്പാടുമുള്ള വനിതകൾ പ്രതിഫലമോ കാര്യമായ അംഗീകാരമോ ഇല്ലാതെ ജോലി ചെയ്യുന്നത് 1.25 കോടി മണിക്കൂർറുകൾ ആണെന്നതും ശ്രദ്ധേയമാണ്. സ്വിറ്റ്സ‍ര്‍ലണ്ടിലെ ദാവോസിൽ നടക്കുന്ന ലോക സാമ്പത്തിക ഫോറത്തിന് മുന്നോടിയായി പുറത്തു വന്ന ഒരു റിപ്പോര്‍ട്ടിലാണ് കണ്ടെത്തൽ. നായ്റോബി കേന്ദ്രീകരിച്ച് പ്രവ‍ര്‍ത്തിക്കുന്ന ചാരിറ്റി സംഘടനയാണ് ടൈം ടു കെയര്‍ റിപ്പോ‍ര്‍ട്ട് പുറത്ത് വിട്ടത്.
അസമത്വത്തിന് എതിരെ പ്രതിഷേധം തെരുവുകളിലേക്ക്
ദാരിദ്യവും അസമത്വങ്ങളും ലോകമെമ്പാടും അരാജകത്വം സൃഷ്ടിച്ചിട്ടുണ്ട്. ലോകത്തിലുള്ള മുഴുവൻ രാജ്യങ്ങൾ നോക്കിയാൽ 30-ലേറെ രാജ്യങ്ങളിൽ ആളുകൾ പ്രതിഷേധവുമായി തെരുവിൽ ഇറങ്ങിയിരിക്കുകയാണ്. നിലവിലുള്ള അസമത്വത്തിൽ അസംതൃപ്തരാണവർ.
ദാരിദ്ര്യം തുടച്ചു നീക്കാൻ സ്ത്രീകൾ ?
ആഗോള സമ്പദ് വ്യവസ്ഥയിൽ സ്ത്രീകളുടെ പങ്കാളിത്തം ഉയരുകയാണ്. ടെക്ക് ലോകം സംഭാവന ചെയ്യുന്നതിനേക്കാൾ മൂന്ന് മടങ്ങ് വരും സ്ത്രീകളുടെ സാമ്പത്തിക സംഭാവന. ഇവർ അര്‍ഹമായ അംഗീകാരമോ പ്രതിഫലമോ കൂടാതെ ജോലി ചെയ്യുന്നവരാണ്. ആഗോള സമ്പദ് വ്യവസ്ഥയിൽ ഇവരുടെ മാത്രം സംഭാവന 10.8 ലക്ഷം കോടി ഡോളര്‍ വരും എന്നാണ് കണക്കുകൾ.