കൊച്ചി: രാജ്യത്തെ ബാങ്കിങ് ഇതര ധനകാര്യ സ്ഥാപനങ്ങളുടെ സമ്മർദ്ധത്തിൽ അയവില്ലെന്ന് ക്രെഡിറ്റ് ഇൻഫർമെഷൻ കമ്പനിയായ ട്രാൻസ് യൂണിയൻ സിബിൽ. വായ്പാ വിതരണത്തിൽ ഉൾപ്പെടെബാങ്ക് ഇതര ധനകാര്യ സ്ഥാപനങ്ങൾ പ്രതിസന്ധിയിൽ ആണെന്നും ട്രാൻസ് യൂണിയൻ സിബിലിൻറെ വാർഷിക റിപ്പോർട്ട് പറയുന്നു.
അതേസമയം ക്രെഡിറ്റ് കാർഡ്, വ്യക്തിഗത വായ്പ എന്നിവ കാർ വായ്പ, ഭാവന വായ്പ, വസ്തു ഈടിൻമേലുള്ള വായ്പ എന്നിവയെ അപേക്ഷിച്ച് മികച്ച വളർച്ച നേടിയിട്ടുണ്ട്. വായ്പ ലഭിച്ച ഇടപാടുകാരുടെ എണ്ണത്തിലും വർധനയുണ്ട്. രണ്ടാം ക്വാർട്ടറിൽ 21.7 ശതമാനമാണ് വളർച്ച.
ക്രെഡിറ്റ് കാർഡ് വായ്പയിൽ 30.2 ശതമാനമാണ് വളർച്ച. വ്യക്തിഗതവായ്പയും 30.8 ശതമാനം വളർന്നിട്ടുണ്ട്. അതേസമയം ഭവന വായ്പ 6.3 ശതമാനം കുറഞ്ഞു. വസ്തു ഈടു വച്ചുള്ള വായ്പ 20.9 ശതമാനമാണ് ഇടിഞ്ഞത്. വാഹന വായ്പ 0.5 ശതമാനം ഇടിഞ്ഞിട്ടുണ്ട്.
Also Read: ക്രെഡിറ്റ് കാര്ഡ് വായ്പ എടുക്കും മുമ്പ് ഇക്കാര്യങ്ങള് അറിയാം