റോയല്‍ എന്‍ഫീല്‍ഡ് ഓഫ് റോഡ് ടൂറര്‍ ഹിമാലയനു ശേഷം 750സി.സി ബൈക്കുമായി റോയൽ വരികയാണ്. അടുത്ത വര്‍ഷം മാര്‍ച്ചോടായിരിക്കും രാജ്യാന്തര തലത്തില്‍ ഏറ്റുമുട്ടാന്‍ തക്ക ശേഷിയുമായി ഈ ബൈക്ക് അവതരിക്കുക. നേരത്തെ തന്നെ യുകെയില്‍ പരീക്ഷണം നടത്തുന്നതായിട്ടുള്ള ബൈക്കിന്റെ ചിത്രങ്ങള്‍ പുറത്ത് വിട്ടിരുന്നു.
മാത്രമല്ല യുകെയില്‍ കമ്പനി പുതുതായി ആരംഭിച്ച ടെക്‌നിക്കല്‍ സെന്ററില്‍ വച്ചായിരുന്നു ബൈക്കിന്റെ നിര്‍മാണവും നടത്തിയിരുന്നത്. ഹിമാലയനില്‍ ഉള്‍പ്പെടുത്തിയിട്ടുള്ള 410സി.സി എന്‍ജിനു ശേഷം റോയല്‍ എന്‍ഫീല്‍ഡ് പുറത്തിറക്കുന്ന അത്യാധുനിക എന്‍ജിനായിരിക്കും ഈ ബൈക്കിന്റേത്. റോയല്‍ എന്‍ഫീല്‍ഡ് ഇറക്കുന്ന ആദ്യത്തെ ട്വിന്‍ സിലിണ്ടര്‍ എന്‍ജിന്‍ കൂടിയായിരിക്കുമെന്നുള്ള പ്രത്യേകത കൂടിയുണ്ട്.
നിലവിലുള്ള കോണ്‍ടിനെന്റല്‍ ജി.ടിയുമായി സാമ്യതയുണ്ടെന്ന് പറയുന്ന ഈ ബൈക്കിന്റെ പേരോ മറ്റ് വിശദവിവരങ്ങളോ കമ്പനി പുറത്തുവിട്ടിട്ടില്ല. കമ്പനി ഇതുവരെ നിര്‍മിച്ചതില്‍ ഏറ്റവും ശേഷിയും കരുത്തുമേറിയ എന്‍ജിനായിരിക്കും ഈ പുതിയ ബൈക്കിലുപയോഗിക്കുകയെന്നാണറിയുന്നത്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
