രൂപയുടെ മൂല്യം ചരിത്രത്തിലെ ഏറ്റവും താഴ്ന്ന നിലവാരത്തിൽ

മുംബൈ: ഇന്ത്യൻ രൂപയുടെ മൂല്യം ചരിത്രത്തിലെ ഏറ്റവും താഴ്ന്ന നിലവാരം രേഖപ്പെടുത്തി. അമേരിക്കൻ ഡോളറിനെതിരെ രൂപയുടെ വിനിമയമൂല്യം 72.92ലേയ്ക്കാണ് ഇടിഞ്ഞത്. വിദേശ നിക്ഷേപകര്‍ രാജ്യത്തെ ഓഹരി വിപണിയില്‍ നിന്ന് പിന്‍വാങ്ങുന്നതാണ് രൂപയുടെ മൂല്യം കുത്തനെ ഇടിയാൻ മുഖ്യ കാരണമാകുന്നത്. ഇന്നലെ മാത്രം 1,454 കോടി രൂപയുടെ ഓഹരികളാണ് വിദേശ നിക്ഷേപകര്‍ വിറ്റൊഴിഞ്ഞത്.

നിക്ഷേപകര്‍ വികസ്വര വിപണിയിലെ കറന്‍സികള്‍ വിറ്റൊഴിഞ്ഞ് കൂടുതല്‍ സുരക്ഷിതമായ ഡോളറിലേയ്ക്ക് മാറുന്നതും രൂപയെ സാരമായിദോഷകരമായി ബാധിച്ചിട്ടുണ്ട്. രാജ്യത്ത് അസംസ്‌കൃത എണ്ണയുടെ 80 ശതമാനവും ഇറക്കുമതി ചെയ്യുന്നതിനാൽ തന്നെ കറൻ്റ് അക്കൗണ്ട് കമ്മി അഞ്ച് വര്‍ഷത്തെ ഉയരത്തിലാണ്.