ഡോളറിനെതിരെ രൂപ കരുത്താ‍‍ര്‍ജിക്കുന്നു

:ഡോളറിനെതിരെ രൂപയുടെ മൂല്യമുയരുന്നു. ഡോളറിനെതിരെ 70.91 എന്ന നിലവാരത്തിലാണ് രൂപയുടെ വ്യാപാരം അവസാനിച്ചത്. ഡോളറിനെതിരെ 3 പൈസയാണ് രൂപയുടെ മൂല്യം ഉയ‍‍‍‍ര്‍ന്നത്.

രണ്ടാഴ്ച്ചക്കിടയിലെ രൂപയുടെ മികച്ച പ്രകടനം ആണിത്. ക്രൂഡ് ഓയിൽ വില കുറഞ്ഞത് രൂപയ്ക്ക് സഹായകരമായി. ഇന്നലെ ചൊവ്വാഴ്ച്ച ഡോളറിനെതിരെ 70.94 എന്ന നിലയിൽ ആയിരുന്നു രൂപയുടെ വ്യാപാരം. രാവിലെ വ്യാപാരം ആരംഭിച്ചപ്പോള്‍ ഡോളറിനെതിരെ ആറു പൈസ കുറഞ്ഞിരുന്നെങ്കിലും പിന്നീട് രൂപ കരുത്താ‍ര്‍ജിക്കുകയായിരുന്നു.

തുടര്‍ച്ചയായ ദിവസങ്ങളില്‍ ആണ് രൂപ ഡോളറിനെതിരെ കരുത്താ‍‍ര്‍ജിക്കുന്നത്. ബ്രെക്സിറ്റും യുഎസ്, ചൈന വ്യാപാര കരാറും ഉള്‍പ്പെടെയുള്ള ഘടകങ്ങള്‍ രൂപയുടെ മൂല്യം ഉയരാന്‍ സഹായകരമായി. തുടർച്ചയായ 5 ദിവസമാണ് രൂപ കരുത്താർജിക്കുന്നത്.