ഇന്ത്യ-പാക് പ്രശ്‌നങ്ങൾ ഓഹരിവിപണിയിലും പ്രതിഫലിക്കുന്നു

 മുംബൈ: അതിർത്തിയിലെ പ്രശ്നങ്ങൾ ഇന്ത്യൻ ഓഹരിവിപണിയിലും പ്രതിഫലിച്ചു.ഒാഹരി സൂചികയിൽ ഇന്നലെ 573 പോയിന്‍റ് വരെ ഇടിവ് രേഖപ്പെടുത്തിയിരുന്നു. ഇന്ത്യ-പാക് അതിർത്തി പ്രശ്‌നങ്ങൾ രൂപയുടെ മൂല്യത്തെയും പ്രതികൂലമായി ബാധിച്ചു. ഡോളറിന് 49 പൈസ വർധിച്ച് 66.95 രൂപയായി.

എന്നാൽ ഇന്ന് വ്യാപാരം ആരംഭിച്ച ഉടനെ സെൻസെക്‌സ് 40 പോയിന്‍റ് ഉയർന്ന് 27867ലും നിഫ്റ്റി 10 പോയിന്‍റ് ഉയർന്ന് 8602 ലും എത്തി. ടെക്നോളജി, ഓയിൽ വിഭാഗത്തിലെ ഓഹരികൾ മാത്രമാണ് നേട്ടത്തിൽ ഉള്ളത്. മറ്റ് ഓഹരികളെല്ലാം സമ്മർദ്ദത്തിലാണ്.

ടെക് മഹീന്ദ്ര,എച്ച്‌സിഎല്‍ ടെക്, സണ്‍ ഫാര്‍മ, ഒഎന്‍ജിസി, അദാനി പോര്‍ട്‌സ്, വിപ്രോ, ഇന്‍ഫോസിസ് തുടങ്ങിയ കമ്പനികളാണ് നേട്ടത്തിൽ ഉള്ളത്. വേദാന്ത, ഹിന്‍ഡാല്‍കോ, ഐഡിയ, കെയിന്‍ ഇന്ത്യ, ആക്‌സിസ് ബാങ്ക്, ഐസിഐസിഐ ബാങ്ക് തുടങ്ങിയവ നഷ്ടത്തിലാണ്.





sensex rupees rate crash after surgical strike on pakistan terror camps