2020-ൽ ശമ്പളം കൂടും

ന്യൂഡൽഹി: ഇന്ത്യയിൽ ജോലി ചെയ്യുന്നവർക്ക് സന്തോഷിക്കാം. ഏഷ്യൻ രാജ്യങ്ങളിൽ 2020-ൽ ഏറ്റവും കൂടുതൽ ശമ്പള വർധനയുണ്ടാകാനിടയുള്ളത് ഇന്ത്യയിൽ. രാജ്യത്ത് 2020-ൽ 9.2 ശതമാനം ആയിരിക്കും ജീവനക്കാരുടെ ശരാശരി ശമ്പള വർധന എന്നാണ് റിപ്പോര്‍ട്ട്. എന്നാൽ പണപ്പെരുപ്പം കണക്കാക്കുമ്പോൾ ഇതിൽ കുറവ് വരും.

കഴിഞ്ഞ വ‍ര്‍ഷം 10 ശതമാനമായിരുന്നു ശമ്പള വ‍ര്‍ധന. ഏഷ്യയിൽ തന്നെ മികച്ച ശമ്പള വ‍ര്‍ധനയുള്ള രാജ്യങ്ങളിൽ മുന്നിലാണ് ഇന്ത്യ. മാനേജ്മെൻറ് കൺസൾട്ടിങ് കമ്പനിയായ കോൺ ഫെറി ഇന്ത്യ എന്ന സ്ഥാപനം ആണ് പഠനം നടത്തിയത്. സമ്പദ് വ്യവസ്ഥയെ ഉത്തേജിപ്പിക്കാൻ സര്‍ക്കാര്‍ സ്വീകരിക്കുന്ന നടപടികൾ ഫലം കാണും എന്നും എല്ലാ മേഖലകളിലും തന്നെ മികച്ച ശമ്പള വര്‍ധന ഉണ്ടാകാൻ ഇടയുണ്ട് എന്നുമാണ് അനുമാനം.

Also Read: Cyber Monday:റീട്ടെയ്‍ലര്‍മാരുടെ ഓൺലൈൻ വിൽപ്പനയ്ക്കായി ഒരു ദിനം

2020 -ൽ ആഗോള വ്യാപകമായി 4.9 ശതമാനം ശമ്പള വ‍ര്‍ധനയാണ് ഉണ്ടാകാനിടയുള്ളത്.ആഗോള പണപ്പെരുപ്പ നിരക്ക് 2.8 ശതമാനമായിരിക്കും എന്നാണ് കണക്കാക്കുന്നത്. ഏഷ്യൻ രാജ്യങ്ങളിൽ തന്നെയാണ് സാലറിയിൽ കൂടുതൽ വ‍ര്‍ധനയുണ്ടാകാനിടയുള്ളത്. 2.2 ശതമാനമാണ് പണപ്പെരുപ്പം കണക്കാക്കുന്നത്.