ഓഹരി വിൽപ്പനയിൽ ചരിത്രം കുറിച്ച് സൗദി അരാംകോ

റിയാദ് : ഓഹരി വിൽപ്പനയിൽ ചരിത്രം എഴുതി ഏറ്റവും വലിയ എണ്ണക്കമ്പനികളിൽ ഒന്നായ സൗദി അരാംകോ. പ്രാഥമിക ഓഹരി വിൽപ്പനയിലൂടെ 2,560 കോടി ഡോളറാണ് സൗദി അരാംകോ സമാഹരിച്ചത്. ലോകത്തിലെ ഏറ്റവും വലിയ ഓഹരി വിൽപ്പനയാണ് ഇതെന്നാണ് സൂചന.

300 കോടി ഓഹരികളായിരുന്നു അരാംകോ വിറ്റഴിച്ചത്. ഇതിനു മുമ്പ് നടന്ന ഏറ്റവും വലിയ ഓഹരി വിൽപ്പന ചൈനീസ് ഇ -കൊമേഴ്സ് കമ്പനിയായ ആലിബാബയുടേത് ആയിരുന്നു. 2014-ൽ 2,500 കോടി ഡോളറാണ് ഐപിഒയിലൂടെ ആലിബാബ സമാഹരിച്ചത്. ഈ റെക്കോർഡാണ് ആലിബാബ മറികടന്ന് അരാംകോ സ്വന്തമാക്കിയത്.

Also Read: സൗദി അരാംകോ ഓഹരികൾക്ക് ആവശ്യക്കാരേറെ

ഒന്നിലധികം പുതിയ റെക്കോഡുകളുമായാണ് അരാംകോ ഓഹരി വിൽപ്പന ചരിത്രത്തിൽ ഇടം നേടുന്നത്. വലിയ ഐപിഒ എന്നതിലുപരി വിപണി മൂല്യത്തിലെ വർധനയും സൗദി അരാംകോയെ വ്യത്യസ്തമാക്കുന്നു. ഓഹരി വിൽപ്പനയോടെ അരാംകോയുടെ വിപണി മൂല്യം 1.7 ലക്ഷം കോടി ഡോളറായി ഉയർന്നേക്കും എന്നാണ് റിപ്പോർട്ടുകൾ സൂചിപ്പിക്കുന്നത്.

നിലവിൽ ആപ്പിളാണ് വിപണി മൂല്യത്തിൽ ഒന്നാമത്. 1.2 ലക്ഷം കോടി ഡോളറാണ് ആപ്പിളിൻറെ വിപണി മൂല്യം. എന്നാൽ ഈ റെക്കോഡാണ് പ്രാഥമിക ഓഹരി വിൽപ്പനയിലൂടെ സൗദി അരാംകോ മറികടന്നിരിക്കുന്നത് . ലോകത്തെ എണ്ണ ഉത്പാദനത്തിൻറെ 10 ശതമാനത്തോളം കൈകാര്യം ചെയ്യുന്നത് സൗദി അരാംകോയാണ്