കൊച്ചി മെട്രോയിൽ ഒരു 'സേവ് ദ് ഡേറ്റ്' ആയാലോ? നിരക്കറിയാം...

സിനിമകളിലും മറ്റും മെട്രോ സ്‌റ്റേഷനുകളും, ട്രെയിനുകളും കാണുമ്പോൾ നിങ്ങൾക്കൊരു ഫോട്ടോഷൂട്ട് നടത്തണമെന്നു തോന്നിയിട്ടുണ്ടോ? എന്നാൽ ഇനി അത് ആഗ്രഹമായി മനസിൽ കൊണ്ട് നടക്കണ്ട. കൊച്ചിയിലേക്ക് വച്ചുപിടിച്ചോ. അതേ, കൊച്ചി മെട്രോ ഇനി മുതൽ ഫോട്ടോഷൂട്ടുകളിൽ നിറയും. വർധിച്ചു വരുന്ന സേവ് ദ ഡേറ്റ് ട്രെൻഡ് വരുമാന മാർഗമാക്കാൻ തീരുമാനിച്ചിരിക്കുകയാണ് കൊച്ചി മെട്രോ. കൊച്ചി മെട്രോയെ ലാഭത്തിലാക്കുക എന്ന ഒറ്റ ലക്ഷ്യത്തോടെയാണ് ഫോട്ടോഷൂട്ട് എന്ന ആശയം ഉൾക്കൊള്ളുന്നത്.

Also Read: ബൈക്കോ, കാറോ ഉണ്ടോ? കീശ നിറയ്ക്കും ട്രാൻസ്‌പോർട്ടേഷൻ ബിസിനസ്; അ‌റിയേണ്ടതെല്ലാം

കൊച്ചി മെട്രോ അതോരിറ്റിയുടെ നടപടിയെ വിമൾശിച്ചും നിരവധി ആളുകൾ രംഗത്തെത്താൻ സാധ്യതയുണ്ടെന്നാണു വിലയിരുത്തൽ. എന്നാൽ നടപടി വരുമാനം വർധിപ്പിക്കുമെന്ന കാര്യത്തിൽ സംശയമില്ല. ഫോട്ടോഷൂട്ടുകൾക്കായി മെട്രോ സ്‌റ്റേഷനുകളിലും മറ്റും പ്രത്യേക സൗകര്യമൊരുക്കുമോയെന്ന കാര്യം കണ്ടറിയണം. ഫോട്ടോ ഷൂട്ടിനായി ഉപയോക്താക്കൾക്ക് ഒരു കോച്ച് മുതൽ മൂന്ന് കോച്ച് വരെ ബുക്ക് ചെയ്യാം. നിർത്തിയിട്ടിരിക്കുന്ന ട്രെയിനിലും ഓടുന്ന ട്രെയിനിലും ഷൂട്ട് ചെയ്യാൻ അനുമതിയുണ്ടാകും. ആലുവയിൽ നിന്ന് പേട്ട വരെയും തിരിച്ചുമുള്ള സർവീസുകളിൽ ഷൂട്ടിങ് അനുമതി ഉണ്ടാകും. അതേസമയം നിരക്കുകളിൽ മാറ്റമുണ്ടാകും.

Also Read: ഗൂഗിള്‍പേ പോലുള്ള യു.പി.ഐ ആപ്പുകള്‍ വഴി എ.ടി.എമ്മില്‍നിന്ന് പണം പിന്‍വലിക്കാം; ചെയ്യേണ്ടത് ഇത്രമാത്രം

നിർത്തിയിട്ടിരിക്കുന്ന ട്രെയിനിൽ രണ്ട് മണിക്കൂർ ഷൂട്ട് ചെയ്യാൻ 5,000 രൂപയും മൂന്ന് കോച്ചിന് 12,000 രൂപ നൽകേണ്ടി വരും. സഞ്ചരിക്കുന്ന ട്രെയിനിലാണ് ഷൂട്ട് എങ്കിൽ ചെലവ് അൽപം കൂടും. ഇവിടെ ഒരു കോച്ചിന് 8,000 രൂപയും മൂന്നു കോച്ചിന് 17,500 രൂപയും നൽകേണ്ടി വരും. ഷൂട്ടിന് മുമ്പ് സെക്യൂരിറ്റി ഡെപ്പോസിറ്റ് നൽകണം. ഒരു കോച്ചിന് 10,000 രൂപയാണ് സെക്യൂരിറ്റി ഡെപ്പോസിറ്റ്. മൂന്ന് കോച്ച് ഒരുമിച്ചെടുത്താൽ 25,000 രൂപ നൽകിയാൽ മതി. ഈ തുക ഷൂട്ട് കഴിഞ്ഞ് പോകുമ്പോൾ തിരികെ നൽകും. ഇനി മുതൽ കൊച്ചി മെട്രോ സ്‌റ്റേഷനുകൾ സേവ് ദ് ഡേറ്റ്, പോസ്റ്റ് വെഡിങ് ഷൂട്ടുകൾക്ക് നിറം പകരും.