മെഗാ ഇലക്ട്രോണിക് ലേലത്തിന് ഒരുങ്ങി എസ്ബിഐ; ലേലം ചെയ്യുന്നത് 1,000 പ്രോപ്പ‍ര്‍ട്ടികൾ

കൊച്ചി: രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ മെഗാ ഇലക്ട്രോണിക് ലേലത്തിന് ഒരുങ്ങുന്നു. നിഷ്ക്രിയാസ്തിയുടെ പരിധിയിൽപ്പെടുത്തി 1,000 പ്രോപ്പ‍ര്‍ട്ടികൾ ആണ് ലേലം ചെയ്യുന്നത്. ഫെബ്രുവരി 26-ാം തിയതിയാണ് ലേലത്തിനൊരുങ്ങുന്നത്. ഇതിനായുള്ള പരസ്യം പത്രങ്ങളിലും സമൂഹമാധ്യമങ്ങളിലും പ്രസിദ്ധപ്പെടുത്തിക്കഴിഞ്ഞു. ലേലത്തിൽ പങ്കെടുക്കുന്നതിനുള്ള യോഗ്യതകളും നിബന്ധനകളും ഇതോടൊപ്പം പ്രസിദ്ധീകരിച്ചിട്ടുണ്ട്.

ലേലത്തിനുള്ള പ്രോപ്പ‍ര്‍ട്ടികളിൽ വീടുകളും കൊമേഴ്സ്യൽ ബിൾ‍ഡിങ്ങുകളും ഒക്കെ ഉൾപ്പെടും. ബാങ്കിന് നൽകാനുള്ള കുടിശ്ശിക തിരിച്ചു പിടിയ്ക്കുന്നതിൻറെ ഭാഗമായാണ് ലേലം. റിസ‍ര്‍വ് ബാങ്കിൻറെ മാനദണ്ഡങ്ങൾ പ്രകാരം നിഷ്ക്രിയാസ്തിയുടെ പരിധിയിൽ വരുന്ന സ്വത്തുക്കളാണ് ലേലം ചെയ്യുന്നത്.

Also Read: കെവൈസി അപ്ഡേറ്റ് ചെയ്യാം; ഇല്ലെങ്കിൽ ബാങ്ക് അക്കൗണ്ടുകൾ ബ്ലോക്ക് ചെയ്യപ്പെടും

ബാങ്കിൻറെ നിഷ്ക്രിയാസ്തി കുറയ്ക്കുകയാണ് ലക്ഷ്യം. 2018 ഡിസംബറിൽ അവസാനിച്ച പാദത്തിൽ സ്ട്രെസ്ഡ് അക്കൗണ്ടുകളിൽ നിന്ന് തിരിച്ച് പിടിച്ച തുക 6,617 കോടി രൂപയായിരുന്നെങ്കിൽ 2019-ൽ ഇത് 13,553 കോടി രൂപയായിരുന്നു.