മ്യൂച്വൽ ഫണ്ട് നിക്ഷേപം ഇനി നേരിട്ട്

മുംബൈ: ഓഹരി വിപണിയിൽ നേരിട്ടു നിക്ഷേപം നടത്താൻ നിക്ഷേപകരെ സഹായിക്കുന്ന നടപടികളുമായി സെബി. സ്റ്റോക്ക് എക്സ്ചേഞ്ചുകൾ വഴി ഇനി നിക്ഷേപകർക്ക് നേരിട്ട് മ്യൂച്വൽ ഫണ്ടിൽ നിക്ഷേപിയ്ക്കാം.ഓഹരി വിപണി ബ്രോക്ക‍ര്‍മാരെയോ വിതരണക്കാരെയോ ഒന്നും ആശ്രയിക്കാതെ തന്നെ നിക്ഷേപം നടത്താൻ നിക്ഷേപകരെ സഹായിക്കുന്ന നിർദേശം കൂടുതൽ നേട്ടം നൽകുന്നതുമാണ് .

ഓഹരി വിപണിയിൽ ഡയറക്ട് പ്ലാനുകൾ കൂട്ടുന്നതിൻറെ ഭാഗമായാണ് നടപടി. മുമ്പ് ഇടനിലക്കാരിലൂടെ മാത്രമേ ഇത്തരം പ്ലാനുകളിൽ നിക്ഷേപം നടത്താൻ സാധിക്കുമായിരുന്നുള്ളൂ. വിതരണക്കാ‍ര്‍ക്ക് കമ്മീഷൻ കൊടുക്കേണ്ട എന്നതിനാൽ റെഗുലര്‍ പ്ലാനുകളെ അപേക്ഷിച്ച് കൂടുതൽ നേട്ടവും ലഭിയ്ക്കും. 2013-ൽ സെബി പ്രക്യാപിച്ച ഡിസ്ട്രിബ്യൂട്ട‍ര്‍ കമ്മീഷൻ ഇത്തരം പ്ലാനുകൾക്ക് ബാധകമാകില്ല എന്നതാണ് കാരണം.

Also Read: ഡീമാറ്റ് അക്കൗണ്ട് ;ഇക്കാര്യങ്ങള്‍ അറിയാം

ഓൺലൈനായി ഓഹരി വ്യാപാരം നടത്തുന്നവ‍ര്‍ക്ക് പുതിയ തീരുമാനം ഗുണകരമാണ്.മ്യൂച്വൽ ഫണ്ട് വഴി ഓഹരികളിൽ നിക്ഷേപം നടത്തുന്നതിനും വിറ്റു പണമാക്കുന്നതിനും ഇനി മറ്റ് തടസങ്ങൾ ഉണ്ടാവില്ല. ഇതിനാവശ്യമായ നടപടികൾ ഉടൻ സ്വീകരിയ്ക്കും.

മുമ്പ് ഇടനിലക്കാരിലൂടെ മാത്രമേ ഇത്തരം നിക്ഷേപം സാധ്യമായിരുന്നുള്ളൂ എന്നതിനാൽ അടുത്തിടെ നിരവധി മ്യൂച്വൽ ഫണ്ട് ഫിൻടെക്ക് പ്ലാറ്റ് ഫോമുകൾ ഉടലെടുത്തിരുന്നു. മ്യൂച്വൽ ഫണ്ടുകൾക്ക് പുറമേ ഈ പ്ലാറ്റ് ഫോം ഉപയോഗിച്ച് മറ്റ് ഉത്പന്നങ്ങളും കമ്പനികൾ ഉപഭോക്താക്കളിൽ എത്തിച്ചിരുന്നു. ഇതിനും ഇതോടെ വിരമാമാകും.

വിപണിയിലേക്ക് നിക്ഷേപക‍ര്‍ നേരിട്ടെത്തുന്നത് ഓഹരി വിപണിയ്ക്കും ഉണ‍ര്‍വ്വേകും എന്നാണ് വില ഇരുത്തൽ. മ്യൂച്വൽ ഫണ്ട് സമ്പാദ്യത്തിൻറെ 40 ശതമാനത്തോളം ആണ് ഇപ്പോൾ ഡയറക്ട് പ്ലാനുകൾ.