സെബി ചെയർമാൻറെ കാലാവധി നീട്ടി

മുംബൈ: ഓഹരി വിപണി റെഗുലേറ്ററായ സെബിയുടെ ചെയർമാൻ സ്ഥാനത്ത് നിലവിവിലെ ചെയർമാനായ അജയ് ത്യാഗി ആറു മാസം കൂടെ തുടരും. ഈ മാസം കാലാവധി അവസാനിയ്ക്കും എങ്കിലും സർക്കാർ ആറു മാസം കൂടെ കാലാവധി നീട്ടി നൽകുകയായിരുന്നു. രണ്ടു വർഷം വരെ കാലാവധി നീട്ടാനാകുമെങ്കിലും ആറു മാസം മാത്രമാണ് കാലാവധി നീട്ടി നൽകിയിരിക്കുന്നത് എന്നത് ശ്രദ്ധേയമാണ്.

സെബിയുടെ പ്രവർത്തനങ്ങളിലെ സർക്കാർ ഇടപെടലിനെ തുടക്കം മുതൽ വിമർശിച്ചിരുന്ന ഉദ്യോഗസ്ഥൻ ആണ് അജയ് ത്യാഗി. സെബി ചെയര്‍മാൻ പോസ്റ്റിലേക്ക് പുതിയ ആളെ തെരഞ്ഞെടുത്തിട്ടില്ല എന്നതാണ് കാലാവധി നീട്ടയതിന് പിന്നിൽ എന്നാണ് സൂചന.

ആരാകും പുതിയ സെബി ചെയർമാൻ? അപേക്ഷയുമായി നിരവധി ബ്യൂറോക്രാറ്റുകൾ

നിലവിൽ സെബിയുടെ രണ്ട് ഫുൾ ടൈം അംഗങ്ങളും നിരവധി ഐഎഎസ് ഉദ്യോഗസ്ഥരും ചെയർമാൻ പദവിയ്ക്കായി അപേക്ഷിച്ചിട്ടുണ്ട്. ഫിനാൻസ് സെക്രട്ടറിയുടെ നേതൃത്വത്തിൽ ഉള്ള കമ്മിറ്റി നടത്തുന്ന അഭിമുഖത്തിൻറെ അടിസ്ഥാനത്തിൽ പ്രധാനമന്ത്രിയുടെ നേത്വത്തിൽ ആകും പുതിയ സെബി ചെയർമാനെ തെരഞ്ഞെടുക്കുക എന്നാണ് സൂചന. ധനകാര്യ സെക്രട്ടറി അതാനു ചക്രബർത്തി, കോർപ്പറേറ്റ് അഫയേഴ്സ് സെക്രട്ടറി ഇഞ്ചെതി ശ്രീനിവാസ് തുടങ്ങിയവരുടെ പേരുകളും പരിഗണനയിലുണ്ട്.