മുതിര്‍ന്ന പൗരൻമാര്‍ക്ക് എയര്‍ ഇന്ത്യയിൽ വൻ തുക ടിക്കറ്റ് ഇളവ്

ന്യൂഡൽഹി: മുതിര്‍ന്ന പൗരൻമാര്‍ക്ക് എയര്‍ ഇന്ത്യയിൽ വൻ തുക ടിക്കറ്റ് ഇളവ് . ഏവിയേഷൻ മന്ത്രാലയമാണ് ടിക്കറ്റ് ഇളവ് പ്രഖ്യാപിച്ചത്. ഇന്ത്യൻ പൗരൻമാരായ മുതിര്‍ന്ന പൗരൻമാര്‍ക്കാണ് ടിക്കറ്റ് ഇളവ് ലഭിയ്ക്കുക. ഇന്ത്യയിൽ സ്ഥിര താമസമുള്ള പൗരൻമാര്‍ക്കാണ് ആനുകൂല്യം ലഭിയ്ക്കുക.ആഭ്യന്തര യാത്രാ ടിക്കറ്റുകൾക്കാണ് ഇളവ് ലഭിയ്ക്കുക.

50 ശതമാനം ഇളവാണ് ടിക്കറ്റ് തുകയിൽ അനുവദിച്ചിരിയ്ക്കുന്നത്. യാത്ര നടത്തുമ്പോൾ 60 വയസ് പൂര്‍ത്തിയായിട്ടുള്ള പൗരൻമാര്‍ക്കാണ് ആനുകൂല്യം ലഭിയ്ക്കുക. എയര്‍ ഇന്ത്യ വെബ്സൈറ്റ് നൽകുന്ന വിവരങ്ങൾ അനുസരിച്ച് ഇന്ത്യയിലെ മുതിര്‍ന്ന പൗരൻമാര്‍ക്ക് ഇക്കണോമി കാബിനാണ് ആനുകൂല്യം നൽകുക.

Also Read: റൂപ്പേ കാര്‍ഡ് ഇനി കോൺടാക്ട്‍ലെസായി ഉപയോഗിയ്ക്കാം

എയര്‍ ഇന്ത്യ ലേലത്തിനായി ടാറ്റ സൺസ് ഉൾപ്പെടെയുള്ള കമ്പനികൾ താത്പര്യം പ്രകടിപ്പിച്ച സാഹചര്യത്തിലാണ് മുതിര്‍ന്ന പൗരൻമാര്‍ക്ക് ഇളവ് പ്രഖ്യാപിയ്ക്കുന്നത്. കടക്കെണിയിലായ എയര്‍ ഇന്ത്യയുടെ ഓഹരികൾ പൂര്‍ണമായി സര്‍ക്കാര്‍ വിറ്റഴിച്ചേക്കും എന്നാണ് സൂചന. അടിസ്ഥാന നിരക്കിൻെറ നേര്‍ പകുതി തുകയിൽ ആഭ്യന്തര യാത്രകൾ ചെയ്യാം.

ഒരു വര്‍ഷത്തേയ്ക്ക് ആനുകൂല്യം ലഭിയ്ക്കും. യാത്ര ചെയ്യുന്നതിന് മൂന്ന് ദിവസം മുമ്പെങ്കിലും ടിക്കറ്റ് ബുക്ക് ചെയ്തിരിയ്ക്കണം. ജനനത്തീയതി തെളിയിക്കുന്ന സര്‍ട്ടിഫിയ്ക്കറ്റിന് ഒപ്പം ഏതെങ്കിലും ഫോട്ടോ ഐഡിയും ടിക്കറ്റ് എടുക്കുമ്പോൾ ഹാജരാക്കിയിരിക്കണം. വോട്ടേഴ്സ് ഐഡി കാര്‍ഡ്, പാസ്പോര്‍ട്ട്, ഡ്രൈവിങ് ലൈസൻസ്, എയര്‍ ഇന്ത്യ സീനിയര്‍ സിറ്റീസൺസ് കാര്‍ഡ് ഇവയിൽ ഏതെങ്കിലും കാണിച്ചാലും ഐഡി കാര്‍ഡ് ലഭിയ്ക്കും.