ഓഹരി സൂചികകളിൽ നേട്ടത്തോടെ തുടക്കമായി

മുംബൈ: ഓഹരി സൂചികകളിൽ നേട്ടത്തോടെ തുടക്കമായി. സെന്‍സെക്‌സ് 12 പോയിന്‍റ് നേട്ടത്തില്‍ 34,547ലെത്തിയപ്പോൾ നിഫ്റ്റി അഞ്ച് പോയിന്‍റ് നേട്ടത്തിൽ 10,588ലുമെത്തി. ഇത് തുടര്‍ച്ചയായ മൂന്നാം ദിനമാണ് ഓഹരിസൂചികകളിൽ നേട്ടം തുടരുന്നത്. യുഎസ് ഓഹരികള്‍ ഉണ്ടാക്കിയ മികച്ച നേട്ടമാണ് ആഭ്യന്തര സൂചികകളിലും പ്രതിഫലിച്ചത്. ബിഎസ്ഇയിലെ 945 കമ്പനികളുടെ ഓഹരികള്‍ നേട്ടം കൊയ്തപ്പോൾ 797 ഓഹരികള്‍ നഷ്ടം നേരിട്ടു.

ടിസിഎസ്, ഡോ.റെഡ്ഡീസ് ലാബ്, ഒഎന്‍ജിസി, റിലയന്‍സ്, ഹീറോ മോട്ടോര്‍കോര്‍പ്, ഹിന്ദുസ്ഥാന്‍ യുണിലിവര്‍, ബജാജ് ഓട്ടോ, എച്ച്‌സിഎല്‍ ടെക്, വിപ്രോ, സിപ്ല, മാരുതി സുസുകി, ടാറ്റ മോട്ടോഴ്‌സ്, സണ്‍ ഫാര്‍മ തുടങ്ങിയ ഓഹരികള്‍ നേട്ടം കൊയ്തപ്പോൾ ഇന്‍ഫോസിസ്, ടാറ്റ സ്റ്റീല്‍, എച്ച്ഡിഎഫ്‌സി ബാങ്ക്, ഐസിഐസിഐ ബാങ്ക്, ആക്‌സിസ് ബാങ്ക്, എസ്ബിഐ, എച്ച്ഡിഎഫ്‌സി, വേദാന്ത, ടെക് മഹീന്ദ്ര, ഏഷ്യന്‍ പെയിന്‍റ്സ്, ലുപിന്‍, ഐടിസി തുടങ്ങിയ ഓഹരികള്‍ നഷ്ടം നേരിട്ടു.