ഓഹരി വിപണി വ്യാപാരം അവസാനിപ്പിച്ചത് നേട്ടത്തോടെ

മുംബൈ: ഇന്ത്യൻ വിപണിയിൽ തുടര്‍ച്ചയായ രണ്ടാം ദിനവും നേട്ടത്തോടെ വ്യാപാരം ക്ലോസ് ചെയ്യാനായി. സെൻസെക്സ് 142 പോയിൻ്റ് ഉയര്‍ന്ന് 35,898ലെത്തിയപ്പോൾ നിഫ്റ്റി 10,789ലെത്തിയാണ് വ്യാപാരം അവസാനിപ്പിച്ചത്. ഐടി കമ്പനികളുടെ ഓഹരികൾക്കാണ് മികച്ച നേട്ടം കൊയ്യാനായത്. ടാറ്റാ മോട്ടോഴ്സും വേദാന്തയും മികച്ച നേട്ടം സ്വന്തമാക്കി.
ഇന്ന് വ്യാപാരം തുടങ്ങിയതും നേട്ടത്തോടെ തന്നെയായിരുന്നു. നിഫ്റ്റി 10750-ന് താഴെയായിരുന്നു വ്യാപാരം തുടങ്ങിയത്. 7.59 പോയിൻ്റ് ഉയര്‍ന്ന് 35,763.85 ലെത്തി സെന്‍സെക്‌സ് വ്യാപാരം തുടങ്ങിയപ്പോൾ 5.30 പോയിൻ്റ് താഴ്ന്ന് നിഫ്റ്റി 10,730.20 എന്ന പോയിൻ്റിലുമെത്തി.

എംആൻ്റ് എം, ടിസിഎസ്, പവര്‍ഗ്രിഡ്, എൻടിപിസി, എച്ച് സിഎൽ ടെക്ക്, ഐടിസി, കൊട്ടാക്ക് ബാങ്ക്, കോൾ ഇന്ത്യ എന്നീ കമ്പനികളുടെ ഓഹരികൾ വ്യാപാരം അവസാനിപ്പിച്ചപ്പോൾ നഷ്ടം നേരിട്ടു.