ഓഹരി വിപണിയിൽ കുതിപ്പോടെ തുടക്കം

മുംബൈ: ഓഹരിവിപണിയ്ക്ക് കുതിപ്പോടെ തുടക്കം കുറിച്ചു. സെൻസെക്സ് 436.76 പോയിന്‍റ് നേട്ടത്തിൽ 34519.47 എത്തിയപ്പോൾ നിഫ്റ്റി 124.45 പോയിന്‍റ് ഉയര്‍ന്ന് 10601.15ലുമെത്തിയാണ് വ്യാപാരത്തിന് തുടക്കം കുറിച്ചത്.

ഏഷ്യൻ മാര്‍ക്കറ്റിൽ വിപണി നേട്ടം തുടരുകയാണ്. ബിഎസ്‌ഇ മിഡ്ക്യാപ്, സ്മോൾ ക്യാപ് ഓഹരികൾക്കുണ്ടായ നേട്ടമാണ് വിപണിക്കു ആശ്വാസമായത്. ബിഎസ്‌ഇയിൽ ഭൂരിഭാഗം സെക്ടറുകളും നേട്ടത്തിൽ മുന്നേറുകയാണ്. ഐടി, ഫാർമ, ബാങ്കിങ് എന്നീ സെക്ടറുകൾ ഇതിൽ മികച്ച നേട്ടം കൊയ്യുന്നതിൽ മുന്നിലാണ്. നിഫ്റ്റിയിലെ എല്ലാ വിഭാഗങ്ങളും നേട്ടം കൊയ്തപ്പോൾ ബിഎസ്ഇ മെറ്റൽ നഷ്ടം നേരിട്ടു.