ഓഹരിവിപണിയിൽ നേട്ടം തുടരുന്നു; സെൻസെക്സിൽ 358 പോയിൻ്റ് നേട്ടം

മുംബൈ: ഓഹരിവിപണിയിൽ നേട്ടം തുടരുന്നു. സെൻസെക്സിൽ 358 പോയിൻ്റ് നേട്ടം രേഖപ്പെടുത്തി. സെൻസെക്സ് 34206ലെത്തിയപ്പോൾ നിഫ്റ്റി 113 പോയിൻ്റ് നേട്ടത്തില്‍ 10259ലുമെത്തിയാണ് വ്യാപാരം പുരോഗമിക്കുന്നത്. ഏഷ്യന്‍ പെയിൻ്റ്സ്, എച്ച്ഡിഎഫ്‌സി, ഒഎന്‍ജിസി, ഇന്ത്യബുള്‍സ് ഹൗസിങ്, ഐഒസി, എച്ച്പിസിഎല്‍, ഭാരതി എയര്‍ടെല്‍, ഹിന്‍ഡാല്‍കോ, ഐസിഐസിഐ ബാങ്ക്, യെസ് ബാങ്ക്, എസ്ബിഐ, ടാറ്റ മോട്ടോഴ്‌സ്, ബജാജ് ഓട്ടോ തുടങ്ങിയ ഓഹരികള്‍ നേട്ടം കൊയ്തപ്പോൾ ഭാരതി ഇന്‍ഫ്രടെല്‍, വേദാന്ത തുടങ്ങിയ ഓഹരികൾ നഷ്ടത്തിലാണ്.

ധനകാര്യം, ഊര്‍ജം, ലോഹം, ഫാര്‍മ തുടങ്ങിയ വിഭാഗങ്ങളിലെ ഓഹരികളില്‍ വാങ്ങല്‍ താല്‍പര്യം പ്രകടമാണ്.