ഓഹരി വിപണിയിൽ വാരാദ്യം സൂചികകളിൽ ചാഞ്ചാട്ടം

മുംബൈ: വാരാദ്യം ഓഹരിവിപണി സൂചികകളിൽ ചാഞ്ചാട്ടം. നേട്ടത്തിൽ തുടങ്ങിയ ഓഹരി സൂചികകൾ വൈകാതെ നഷ്ടത്തിലായി. സെന്‍സെക്‌സ് 42 പോയിൻ്റ് താഴ്ന്ന് 34690ലെത്തിയപ്പോൾ നിഫ്റ്റി 21 പോയിൻ്ര് നഷ്ടത്തില്‍ 10451ലുമെത്തി. ബിഎസ്ഇയിലെ 995 കമ്പനികളുടെ ഓഹരികള്‍ നേട്ടം കൊയ്തപ്പോൾ 668 ഓഹരികള്‍ നഷ്ടം നേരിട്ടു.

എച്ച്‌സിഎല്‍ ടെക്, ഒഎന്‍ജിസി, എച്ച്ഡിഎഫ്‌സി ബാങ്ക്, യെസ് ബാങ്ക്, ഡോ.റെഡ്ഡീസ് ലാബ്, സിപ്ല, ഐടിസി, ടിസിഎസ്, ഇന്‍ഫോസിസ്‌,റിലയന്‍സ് തുടങ്ങിയ ഓഹരികള്‍ നേട്ടം കൈവരിച്ചപ്പോൾ മാരുതി സുസുകി, ബജാജ് ഓട്ടോ, ഭാരതി എയര്‍ടെല്‍, എച്ച്പിസിഎല്‍, ഗെയില്‍, ഹിന്ദുസ്ഥാന്‍ യുണിലിവര്‍, ഐസിഐസിഐ ബാങ്ക്, എല്‍ആൻ്റ്ടി, ആക്‌സിസ് ബാങ്ക്, ഏഷ്യന്‍ പെയിൻ്റ്സ്, വേദാന്ത തുടങ്ങിയ ഓഹരികള്‍ നഷ്ടം നേരിട്ടു. യുഎസ്-ചൈന വ്യാപാര യുദ്ധം സംബന്ധിച്ച ആശങ്കകൾ വിപണിയെ സാരമായി ബാധിച്ചു. ജപ്പാന്‍, ഹോങ്കോങ്, ഓസ്‌ട്രേലിയ എന്നിവിടങ്ങളിലെ വിപണികളും നഷ്ടം നേരിട്ടു.