ഓഹരി വിപണിയില്‍ ഉണര്‍വ്വ്

രണ്ടു ദിവസത്തെ തളര്‍ച്ചയ്ക്ക് ശേഷം ഓഹരി വിപണിയില്‍ ഉണര്‍വ്വ് പ്രകടമായി.മുംബൈ സ്റ്റോക്ക് എക്സ്ചേഞ്ച് സൂചികയായ സെന്‍സെക്സ് 82.79 പോയിന്‍റ് ഉയര്‍ന്ന് 36,563.88 എന്ന നിലവാരത്തിലും നാഷണല്‍ സ്റ്റോക്ക് എക്സ്ചേഞ്ച് സൂചികയായ നിഫ്റ്റി 23.05 പോയിന്‍റുകള്‍ ഉയര്‍ന്ന് 10,840.65 എന്ന നിലവാരത്തിലും ആണ് ക്ലോസ് ചെയ്തത്. ടാറ്റ സ്റ്റീല്‍ , വേദാന്ത, എസ്.ബി.ഐ, ബജാജ് ഫിനാന്‍സ്, എന്‍.ടി.പി.സി തുടങ്ങിയ കമ്പനികളാണ് പ്രധാനമായും നേട്ടം ഉണ്ടാക്കിയത്.

കോള്‍ ഇന്ത്യ, ഒ.എന്‍.ജി.സി, യെസ് ബാങ്ക്, ഭാരതി എയര്‍ടെല്‍ തുടങ്ങിയ കമ്പനികളുടെ ഓഹരികള്‍ നഷ്ടത്തിലായി. ക്രൂഡ് ഓയില്‍ വില കുറഞ്ഞതും രൂപയുടെ മൂല്യം ഉയര്‍ന്നതും വിപണിയ്ക്ക് ഗുണമായി. വരുന്ന ജി.എസ്.ടി കൗണ്‍സില്‍ യോഗത്തില്‍ വാഹന വിപണിയെ ഉള്‍പ്പെടെ രക്ഷിക്കുന്നതിനായി ജി.എസ്.ടി നരക്കുകള്‍ കുറച്ചേക്കുമെന്ന സൂചനയും വിപണിക്ക് ഗുണകരമായി.