സെൻസെക്സ് സൂചികയിൽ നേട്ടം; നിഫ്റ്റി സൂചികയിൽ ഇടിവ്

മുംബൈ: വാരാദ്യം ഓഹരി വിപണി സൂചികയിൽ ചാഞ്ചാട്ടം. രണ്ട് ദിവസത്തെ ഇടവേളയ്ക്ക് ശേഷം വ്യാപാരം ആരംഭിച്ചപ്പോൾ സെൻസെക്സ് സൂചികയിൽ നേട്ടം രേഖപ്പെടുത്തി. അതേസമയം നിഫ്റ്റി സൂചികയിൽ ഇടിവുണ്ടായി. നിഫ്റ്റി 10,900 പോയിൻ്റിന് മുകളിലെത്തിയിട്ടുണ്ട്. സെന്‍സെക്സ് 30.57 പോയിൻ്റ് ഉയര്‍ന്ന് 36,417.18 ലെത്തിയപ്പോൾ നിഫ്റ്റി 0.40 പോയിൻ്റ് താഴ്ന്ന് 10,906.60ലുമെത്തിയാണ് വ്യാപാരം പുരോഗമിക്കുന്നത്.

ബിപിസിഎല്‍, ടിസിഎസ്, ജെറ്റ് എയര്‍വേയ്‌സ്, സൗത്ത് ഇന്ത്യന്‍ ബാങ്ക്, ഡിസിബി ബാങ്ക്, എച്ച്ഡിഎഫ്‌സി ബാങ്ക്, എന്‍ടിപിസി, ഇന്‍ഫോസിസ്, ആര്‍ഐഎല്‍ എന്നിവയുടെ ഓഹരികള്‍ നേട്ടത്തിലും, വിപ്രോ, എല്‍ ആന്‍ഡ് ടി, ഐഒസി എന്നീ കമ്പനികളുടെ ഓഹരികള്‍ നഷ്ടം നേരിട്ടു. ബിഎസ്ഇയില്‍ ലിസ്റ്റ് ചെയ്തിട്ടുള്ള 386 ഓഹരികള്‍ നേട്ടം കൊയ്തപ്പോൾ 448 ഓഹരികള്‍ ഇടിവ് രേഖപ്പെടുത്തി. അതേസമയം 56 ഓഹരികളിൽ ചാഞ്ചാട്ടമേൽക്കാതെ വ്യാപാരം പുരോഗമിക്കുകയാണ്.