നഷ്ടത്തിൽ നിന്ന് ഉണ‍ര്‍ന്നെണീറ്റ് ഓഹരിവിപണി

മുംബൈ: കഴിഞ്ഞദിവസമുണ്ടായ കനത്ത നഷ്ടത്തിൽ നിന്ന് ഉണര്‍ന്നെണീറ്റ് ഓഹരിവിപണി. സെന്‍സെക്‌സ് 534 പോയിൻ്റ് നേട്ടത്തില്‍ 34535ലെത്തിയപ്പോൾ നിഫ്റ്റി 178 പോയിൻ്റ് ഉയര്‍ന്ന് 10413ലുമെത്തിയാണ് വ്യാപാരം നടക്കുന്നത്. ബാങ്ക്, ഓട്ടോ മൊബൈല്‍, മെറ്റല്‍, ഫാര്‍മ തുടങ്ങിയ വിഭാഗങ്ങളിലെ ഓഹരികൾ നേട്ടം കൊയ്തു. ഡോളറിനെതിരെ രൂപയുടെ മൂല്യത്തില്‍ 29 പൈസയുടെ നേട്ടമുണ്ടായി. ഇത് വിപണിയില്‍ പ്രതിഫലിക്കുകയും ചെയ്തു.

ടിസിഎസ്, എച്ച്‌സിഎല്‍ ടെക്, ഇന്‍ഫോസിസ് തുടങ്ങിയ ഓഹരികൾ നഷ്ടം നേരിട്ടപ്പോൾ ഹീറോ മോട്ടോര്‍കോര്‍പ്, ഏഷ്യന്‍ പെയിൻ്റ്സ്, ഭാരതി എയര്‍ടെല്‍, എഷര്‍ മോട്ടോഴ്‌സ്, ഹിന്‍ഡാല്‍കോ, യെസ് ബാങ്ക്, റിലയന്‍സ്, വേദാന്ത, ടാറ്റ സ്റ്റീല്‍, ആക്‌സിസ് ബാങ്ക് തുടങ്ങിയ ഓഹരികള്‍ നേട്ടം കൈവരിച്ചു.