സൂചികകളില്‍ നേരിയ നഷ്ടത്തോടെ വിപണിക്ക് തുടക്കം

മുംബൈ: ഓഹരി സൂചികകളില്‍ നേരിയ ഇടിവോടെ വ്യാപാരത്തിന് തുടക്കമായി. സെന്‍സെക്‌സ് 17 പോയിന്‍റ് നഷ്ടത്തില്‍ 33237ലെത്തിയപ്പോൾ നിഫ്റ്റി 4 പോയിന്‍റ് താഴ്ന്ന് 10207 ലുമെത്തി. യുഎസ് ഓഹരി സൂചികകള്‍ നഷ്ടത്തിലാണ് ക്ലോസ് ചെയ്തത്. ഇതിനെതുടര്‍ന്ന് ഏഷ്യന്‍ വിപണികളിലെല്ലാം നഷ്ടത്തിലാണ് വ്യാപാരം തുടങ്ങിയത്. ബിഎസ്ഇയിലെ 867 കമ്പനികളുടെ ഓഹരികള്‍ നേട്ടം കൊയ്തപ്പോൾ 607 ഓഹരികള്‍ നഷ്ടം നേരിട്ടു.

ഡോ.റെഡ്ഡീസ് ലാബ്, മാരുതി സുസുകി, എച്ച്ഡിഎഫ്‌സി, റിലയന്‍സ്, എസ്ബിഐ, ആക്‌സിസ് ബാങ്ക്, ഐസിഐസിഐ ബാങ്ക്, സണ്‍ ഫാര്‍മ, ടാറ്റ മോട്ടോഴ്‌സ്, ബജാജ് ഓട്ടോ, ഹീറോ മോട്ടോര്‍കോര്‍പ്, ഐടിസി, ഹിന്ദുസ്ഥാന്‍ യുണിലിവര്‍ തുടങ്ങിയ ഓഹരികള്‍ നേട്ടം കൊയ്തപ്പോൾ ഹിന്‍ഡാല്‍കോ, ഇന്‍ഫോസിസ്, സിപ്ല, ടിസിഎസ്, വിപ്രോ, ടെക് മഹീന്ദ്ര, ഒഎന്‍ജിസി, ടാറ്റ സ്റ്റീല്‍, ഏഷ്യന്‍ പെയിന്‍റ്സ്, വേദാന്ത, ഭാരതി എയര്‍ടെല്‍, എച്ച്ഡിഎഫ്‌സി ബാങ്ക് തുടങ്ങിയ ഓഹരികള്‍ നഷ്ടം നേരിട്ടു.