ഓഹരിവിപണി നേരിയ നഷ്ടത്തോടെ തുടങ്ങി

മുംബൈ: ഓഹരിവിപണിയിൽ സെൻസെക്സ് നേരിയ നഷ്ടത്തോടെ ആരംഭിച്ചു. പണപ്പെരുപ്പ നിരക്കുകള്‍ വൈകീട്ട് പുറത്തുവരാനിരിക്കെയാണ് സൂചികകളിൽ നഷ്ടം നേരിട്ടത്. വിപണി ആരംഭിച്ചപ്പോൾ സെന്‍സെക്‌സ് 25 പോയിന്‍റ് ഇടിഞ്ഞ് 33,892ലെത്തിയപ്പോൾ നിഫ്റ്റി 7 പോയിന്‍റ് നഷ്ടത്തില്‍ 10,413ലുമെത്തി. ബിഎസ്ഇയിലെ 1017 കമ്പനികളുടെ ഓഹരികള്‍ നേട്ടം കൊയ്തപ്പോൾ 601 ഓഹരികള്‍ നഷ്ടം നേരിട്ടു.

ബജാജ് ഓട്ടോ, ഇന്‍ഫോസിസ്, ലുപിന്‍, വിപ്രോ, എസ്ബിഐ, ഭാരതി എയര്‍ടെല്‍, സണ്‍ ഫാര്‍മ, ഐസിഐസിഐ ബാങ്ക്, ഡോ.റെഡ്ഡീസ് ലാബ്, ആക്‌സിസ് ബാങ്ക് തുടങ്ങിയ ഓഹരികള്‍ നേട്ടം കൊയ്തപ്പോൾ മാരുതി സുസുകി, ഹിന്ദുസ്ഥാന്‍ യുണിലിവര്‍, ടിസിഎസ്, ഹിന്‍ഡാല്‍കോ, വേദാന്ത, ടാറ്റ സ്റ്റീല്‍, ഒഎന്‍ജിസി, സിപ്ല, ഏഷ്യന്‍ പെയിന്‍റ്സ് തുടങ്ങിയ കമ്പനികളുടെ ഓഹരികള്‍ നഷ്ടത്തിലുമാണ്.