സെൻസെക്സ് 770 പോയിന്റ് ഇടിഞ്ഞു; നിഫ്റ്റിയും താഴേക്ക്; ഓഹരികൾ കൂപ്പുകുത്തി

മുംബൈ: സെൻസെക്സിലും നിഫ്റ്റിയിലും മൂക്കുകുത്തിവീണ് ഇന്ത്യൻ വിപണി. 867 പോയിന്റ് ഇടിവ് രേഖപ്പെടുത്തിയശേഷം അൽപ്പം കരകയറിയെങ്കിലും 769.88 പോയിന്റിലാണ് ബിഎസ്ഇ സെൻസെക്സ് ഇന്ന് വ്യാപാരം അവസാനിച്ചത്. അതേസമയം 225 പോയിന്റാണ് എൻഎസ്ഇ നിഫ്റ്റിയുടെ ഇടിവ്. ജിഡിപി (ആഭ്യന്തര വളർച്ച) വളർച്ച അഞ്ച് ശതമാനമായി ഇടിഞ്ഞതാണ് വിപണിയിൽ പ്രതിഫലിച്ചിരിക്കുന്നത്.

മൂല്ല്യത്തകര്‍ച്ചയില്‍ രൂപ; ഡോളറിനെതിരെ 99 പൈസ ഇടിവ്

വിപണി കൂപ്പുകുത്തിയപ്പോൾ ബാങ്കിങ്, ഓട്ടോമൊബൈൽ മേഖലകളിലെ ഓഹരിയുടെ വില ഇടിയുന്നതിനാണ് ഇന്ന് വിപണി സാക്ഷ്യം വഹിച്ചത്. ജിഡിപിയിലുണ്ടായ ഇടിവ് രാജ്യം സാമ്പത്തിക മാന്ദ്യത്തിലേക്ക് നീങ്ങുന്നുവെന്ന സൂചനയാണ് നൽകുന്നത്. ഇത് നിർമ്മാണ മേഖല, ഓട്ടോ മൊബൈൽ മേഖലകളിൽ കടുത്ത പ്രതിസന്ധിയാണ് രൂപപ്പെടുത്തിയിരിക്കുന്നത്. വിദേശ നിക്ഷേപകർ ഓഹരി വിറ്റൊഴിയാൻ തുടങ്ങിയതോടെയാണ് വിപണി കുത്തനെ ഇടിഞ്ഞത്.

മ്യൂച്വല്‍ ഫണ്ട് നിക്ഷേപങ്ങള്‍ക്ക് ആധാര്‍ നിര്‍ബന്ധമാക്കിയേക്കും

അതേസമയം, ഡോളറിനെതിരെ രൂപയുടെ മൂല്യത്തിൽ ഇടിവ് രേഖപ്പെടുത്തി. 90 പൈസ ഇടിഞ്ഞ് യുഎസ് ഡോളറിനെതിരെ 72.27 ആണ് രൂപയുടെ മൂല്യം. ആറ് വർഷത്തെ ഏറ്റവും വലിയ മൂല്യതകർച്ചയാണ് ഡോളറിനെതിരെ രൂപയ്ക്ക് ഓഗസ്റ്റിൽ സംഭവിച്ചത്. ഓഹരി വിപണിയിൽനിന്നും വിദേശ നിക്ഷേപകർ പിൻവാങ്ങിയതാണ് മൂല്യം ഇടിയുന്നതിലേക്ക് വഴിതെളിച്ചത്.

Gold Price: സ്വര്‍ണവിലയിൽ 160 രൂപയുടെ വര്‍ധന; വെള്ളി വില കുറഞ്ഞു

പൊതുമേഖലാ ബാങ്കുകളായ കോർപ്പറേഷൻ ബാങ്ക്, പഞ്ചാബ് നാഷ്ണൽ ബാങ്ക് എന്നിവയുടെ മൂല്യത്തിൽ 9.3% ഇടിവാണ് രേഖപ്പെടുത്തിയത്. 10 പൊതുമേഖലാ ബാങ്കുകളെ ലയിപ്പിച്ചതിനു പിന്നാലെയാണിത്.